Forým barysynda Nazarbayev University oqý isi jónindegi vıse-provosty Loretta O’Donnell ýnıversıtet qaýymdastyǵynyń áıelder kásipkerligin qoldaý tájirıbesi jáne NU BUU-dyń Turaqty damý maqsattaryna qol jetkizýdegi mindettemesi, onyń besinshisi – genderlik teńdik maqsaty boıynsha Qazaqstannyń salystyrmaly túrde jaqsy kórsetkishke ıe ekenin atap ótti.
«Genderlik teńdik bárimizge óte mańyzdy. NU-da ctýdentterdiń 50 paıyzy – qyzdar. Muǵalimder arasynda názik jandylardyń qatary 50 paıyzǵa jetpeıdi. Bul úshin áli jumys isteý qajet. BUU-nyń málimeti boıynsha, áıelder dúnıe júzindegi jumys ýaqytymen 70 paıyz eńbek etip, álemdik tabystyń tek 10 paıyzyn ǵana alady eken. Sondyqtan ekonomıkalyq múmkindikti keńeıtý kerek. Sondaı-aq turmystyq zorlyq-zombylyq turǵysynan qaýipsizdik máselesi de ózekti», dedi ol.
Al Májilis depýtaty Juldyz Súleımenova qazaq qyzdarynyń bilimi men belsendiligin erekshe aıtty.
Sarapshylar elimizde áıelderdiń eńbegi jetkilikti deńgeıde baǵalanbaıtynyn, statıstıka boıynsha olar otbasy men onyń múshelerine qyzmet kórsetýge úsh ese kóńil bóletini týraly maǵlumat jarııalaǵan.
Sondaı-aq joǵaryda aıtylǵan úsh ýnıversıtet birlesken «Qazaqstannyń joǵary oqý oryndaryndaǵy genderlik bilim berýdiń ǵylymı tujyrymdamasy: teorııalyq jáne ádistemelik negizderi» atty aýqymdy ǵylymı jobasy aıasynda Nazarbayev University kitaphanasy gender boıynsha elektrondy bıblıografııalyq resýrs ázirlegen. Onda senimdi derekkózi ǵana emes, qazaq tilinde de genderlik statıstıka boıynsha aqparattar qamtylǵan.
Sonymen qatar joba sheńberinde úsh joǵary oqý ornynyń ǵalymdary genderlik akademııalyq pánderdiń derek qoryn qurýdy, «Áleýmettaný jáne áleýmettik jumys, ekonomıka, fılologııalyq baǵdar» atty jańa pánaralyq bilim berý modýli men elimizdegi genderlik bilim máseleleri boıynsha elektrondyq aqparat katalogin daıyndaýdy kózdep otyr.
