Foto: N.Baıbýlın
Atap aıtqanda, zań salyq salynatyn kiristi ulǵaıtýǵa múmkindik beretin ınterkvartıldik aýqymdy jáne baǵa dıapazonynyń medıanalyq mánin qoldaný arqyly eksporttyq baǵany tómendetýge jol bermeıdi.
Sondaı-aq otyrys barysynda atap ótilgendeı, qujat normalary salyq tóleýshilerdiń de, tekserýshilerdiń de ákimshilik shyǵyndaryn tómendetýge arnalǵan.
«Memleket basshysy transferttik baǵa belgileý máselelerin muqııat pysyqtaýdy tapsyrǵany belgili. Osy baǵyttaǵy jumystyń biri retinde transferttik baǵa belgileý tetikterin jetildirýdi kózdeıtin zań ázirlendi. Zańda halyqaralyq iskerlik operasııalar men kelisim-sharttar jasaý kezinde kiris ysyrabyn boldyrmaýǵa baǵyttalǵan qosymsha erejeler qarastyrylǵan. Sondaı-aq kapıtaldy elden shyǵarýǵa baqylaýdy kúsheıtýge arnalǵan túzetýler bar. Aldaǵy ýaqytta zań bul salada memleket múddesiniń tıimdi qorǵalýyn qamtamasyz etedi dep senemiz», dedi Máýlen Áshimbaev.
Sonymen qatar Palata otyrysynda senatorlar Qaırat Tastekeev, Sovetbek Medebaev, Aıgúl Qapbarova, Ǵalıasqar Sarybaev túrli salalardaǵy máseleler boıynsha depýtattyq saýaldaryn joldady.
Senat otyrysyn qorytyndylaǵan Máýlen Áshimbaev kele jatqan Halyqaralyq áıelder kúnine oraı el arýlaryn merekemen quttyqtap, izgi tilegin arnady.
