ARDAGERLERGE QAMQORLYQ JALǴASADY

Oblystyq jumyspen qamtýdy úılestirý jáne áleýmettik baǵ­dar­lamalar basqarmasynyń máli­met­terine qaraǵanda, bıylǵy jyly so­ǵysqa qatysqan ardagerlerdiń úılerin jóndep berýge jergilikti bıýdjetten 44 mıllıon 160 myń teńge qarjy bólinipti. Ardagerler, sonymen qatar, telefon ornatýǵa, otyn alýǵa, tis protezdeýge, mer­zimdik basy­lym­darǵa tegin ja­zylýǵa, jeńildikpen dári-dár­mekter alýǵa, kýrorttarǵa baryp em­delýge qosymsha kómekter ala alady. Áleýmettik baǵdarlamalar qyz­met­kerleri aǵa urpaq ókilderin qur­metteý, syı-sııapat kórsetý jyl boıy jalǵasyn tabatynyn aı­ta­dy. Qarasha aıynda 108 páterli ar­da­gerlerge arnalǵan jańa turǵyn úı paıdalanýǵa beriledi. Oblystyń aýyl-qalalarynda turatyn 12602 ar­dager “Jeńiske – 65 jyl” merekelik medalimen marapattaldy. Astana men Máskeýde ótken sal­ta­nat­ty sherýlerge qatysý úshin bar­ǵan ardagerlerge túgeldeı arnaıy kıimder tigilip, olardyń búkil shy­ǵyndary tolyq qamtamasyz etildi. Ardagerler endi jyl boıy qo­ǵam­dyq kólikterde tegin júre alady. Olardyń turǵyn úı-kom­mý­naldyq tólemderi úshin 60 mıllıon teńge bólindi. Jalpy, Jeńistiń 65 jyldyq merekesi qarsańynda oblys aýma­ǵyn­­da turatyn 1340 so­ǵys ardageri respýblıkalyq jáne jergilikti bıýd­jet­ter qarajaty esebinen árqaı­sysy 130 myń teń­ge­den, al tyń eńbekkerleri 10 myń teńgeden kómek aldy. Er-aza­mat­tary soǵystan oralmaǵan 54 sha­ńy­raq­tyń árqaı­sysyna 90 myń teńgeden bólindi. Bıylǵy jyldyń naýryz-sáýir aılarynda oblys boıynsha ótken “Qam­qorlyq” aılyǵynda da 12201 so­ǵys ardageriniń otbasylaryna jalpy qu­ny 92516,6 myń teńgeni qu­raǵan aq­sha­laı jáne zattaı kómek túrleri kórsetildi. Farıda BYQAI. Pavlodar oblysy.