Foto: Asylhan Seıdahmet
Is-sharada 70 ana bir sát ózin sýretshi ári qolónershi sezinip kórdi.
«Erekshe qajettiligi bar bala tárbıelep otyrǵan analardyń sanasy sergisin degen nıetpen merekelik is-shara uıymdastyrdyq. Olar búldirshinderi úshin qoldan kelgenniń bárin jasap jatyr. Erekshe chempıondardy tárbıelep júrgen jandardyń esil eńbegi elene bersin», dedi «Jastar Rýhy» tóraǵasynyń m.a. Aqerke Iskanderova.
Aıta ketsek, jastar qanatynyń belsendileri «Jas jaýynger» klýbyna júıeli túrde qoldaý kórsetip keledi.
«Ulym osynda 4 jyldan beri kelip júr. Analar qaýymyna arnalǵan osyndaı qyzyqty, tartymdy is-shara ótetinin kútpeppin. Búgin alǵash ret qysh buıymyn jasap kórdim. Barshańyzdy 8 naýryz merekesimen quttyqtaımyn, zor densaýlyq tileımin, sebebi densaýlyqty eshqandaı aqshaǵa satyp ala almaısyz», dedi erekshe balanyń anasy Aıgúl Bektaeva.
Astana qalasy turǵyny Sholpan Aıtbaeva araǵa 20 jyl salyp molbertti qaıta qolǵa aldy.
«О́ner mektebiniń túlegimin, alaıda sýret salmaǵanyma kóp jyl bolǵan. Sondyqtan osyndaı sheberlik saǵaty uıymdastyrylǵanyna dán rızamyn. О́te qyzyqty ótti, tipti, úsh saǵattyń qalaı ótkenin baıqamaı qaldyq», dedi ol.
