Foto: qazaqstan.tv
Mamandar kóktem mezgiliniń osy kezeńinde sý tasqyny qaýpi artýy múmkin ekenin eskertti.
Qyzylorda oblysynyń soltústiginde, ortalyǵynda tuman bolady. Jel soǵyp, ekpini 15-20 m/s deıin jetedi.
Semeıde ońtústik-batystan 15-20 m/s jel soǵady.
Túrkistan oblysynyń ońtústiginde, taýly aýdandary men taý bókterinde qatty jańbyr jaýyp, naızaǵaı oınaıdy. Shymkentte de arakidik jaýyn-shashyn bolady, naızaǵaı oınaıdy dep boljanady.
El ordasy Astana qalasynda jaýyn-shashyn (jańbyr, qar), kóktaıǵaq, tuman bolady dep kútiledi.
Kúndiz Soltústik Qazaqstan oblysynyń soltústiginde, shyǵysynda qar jaýady. Oblystyń soltústiginde, ońtústiginde, shyǵysynda boran, kóktaıǵaq bolýy múmkin. Túnde jáne tańerteń oblystyń soltústik-batysynda tuman bolady. 15-20 m/s jel soǵady. Petropavlda qar ushqyndap, jaıaý burqasyn júredi dep boljanyp otyr.
О́skemende 15-20 m/s jel soǵady.
Batys Qazaqstan oblysynyń soltústiginde, batysynda tuman, kóktaıǵaq bolady. Oral qalasynda kóktaıǵaq bolýy múmkin. Túnde jáne tańerteń tuman bolady dep boljanyp otyr.
Pavlodar oblysynda túnde qar jáne jańbyr túrinde jaýyn-shashyn jaýady. Oblystyń soltústiginde, shyǵysynda kóktaıǵaq bolýy yqtımal.
Qostanaı oblysynyń batysynda, soltústiginde, ońtústiginde qar ushqyndap, jaıaý burqasyn júredi. Oblystyń soltústiginde, ońtústiginde tuman túsedi. Kúndiz oblystyń ońtústiginde kóktaıǵaq bolady.
Aqmola oblysynda túnde jaýyn-shashyn, kúndiz oblystyń soltústik-batysynda, shyǵysynda jaýyn-shashyn (jańbyr, qar), kóktaıǵaq bolady dep kútiledi. Oblystyń soltústiginde, shyǵysynda qarly boran, al óńirdiń batysynda, ońtústiginde, shyǵysynda tuman bolady.
