Fılıaldy ashý Qazaqstan Respýblıkasynyń Prezıdenti Q.Toqaev pen О́zbekstan Respýblıkasynyń Prezıdenti Sh.Mırzııoevtiń eki memleket arasyndaǵy dıplomatııalyq qarym-qatynastyń qurylǵanyna 30 jyl tolýyna oraı kezdesýiniń qorytyndysy boıynsha jasalǵan kelisim negizinde júzege asyrylýda. Memleket basshylarynyń kelissózderiniń nátıjesinde «Jol kartasy» ázirlendi. Eki eldiń vedomstvolyq mınıstrlikteri deńgeıinde Shyrshyq qalasynda fılıal ashý týraly úshjaqty kelisimge qol qoıyldy.
Is-shara barysynda M.Áýezov atyndaǵy OQÝ Basqarma Tóraǵasy-rektordyń keńesshisi D.P.Qojamjarova qazaqstandyq jetekshi joǵary oqý ornynyń fılıalyn ashýdaǵy perspektıvalaryn baıandap, prezentasııasymen tanystyrdy.
Prezentasııada Shymkent qalasynyń jáne ońtústik aımaqtyń ekonomıkasynyń strategııalyq damýyna úlesin qosýǵa baǵyttalǵan ýnıversıtettiń úshinshi mıssııasyna zeıin aýdardy.
Auezov University fılıaly О́zbekstannyń eńbek naryǵynda básekege qabiletti jáne suranysqa ıe kadrlardy daıarlaýdy júzege asyratyn bolady.
Kadrlardy daıarlaý gýmanıtarlyq, tehnıkalyq, IT-tehnologııalar, hımııa jáne tamaq ónerkásibi baǵyttary boıynsha júzege asyrylady.
Shyrshyq — О́zbekstannyń ónerkásibi damyǵan qalalarynyń biri. О́ńirde mashına jasaý, metall óńdeý jáne hımııa ónerkásibi sııaqty salalar qarqyndy damyǵan. Osyndaı tendensııalardy eskere otyryp, Auezov University óńirge qajetti salalar boıynsha kadrlar daıarlaýdy qolǵa almaq.
M.Áýezov atyndaǵy Ońtústik Qazaqstan ýnıversıteti – bilim berý keńistiginde mamandar daıarlaýdyń draıveri bolyp tabylatyn Qazaqstan Respýblıkasynyń kópsalaly iri zertteý ýnıversıteti. Ýnıversıtet joǵary jáne joǵary oqý ornynan keıingi bilim berý salasynda bilim berýdiń úsh deńgeıi boıynsha mamandardy daıyndaıdy.
