Foto: ru.apa.az
Suhbat «Qasym-Jomart Toqaev: Qazaqstan men Ázerbaıjan yntymaqtastyqtyń jańa dáýirine qadam basady» atty taqyryppen jaryq kórdi.
Onda Qazaqstan Prezıdentiniń memleket basshysy retinde Ázerbaıjanǵa barǵan alǵashqy resmı sapary qorytyndylanǵan.
Q.Toqaev óz sózinde: «Normatıvtik-quqyqtyq baza birtindep keńeıýde, tek sońǵy bir jarym jyldyń ishinde 40-qa jýyq ekijaqty mańyzdy qujatqa qol qoıyldy. Aldaǵy sapar barysynda qol qoıýǵa taǵy bir aýqymdy qujattar paketi daıyndalyp jatyr. Árıne, bul bizdiń ózara is-qımylymyzǵa jańa qarqyn beredi.
2020 jyldan beri elderimiz arasyndaǵy taýar aınalymy 5 esege jýyq ósti (109-dan 529 mıllıon dollarǵa deıin). Bul áserli dınamıka jáne biz kólemdi ulǵaıtýdy josparlap otyrmyz», dep atap ótti.
Memleket basshysy 2022 jyldyń tamyz aıyndaǵy saparynda Qazaqstan Ázerbaıjannyń Fızýlı qalasynda balalar shyǵarmashylyq ortalyǵyn salyp, tartý etetinin málimdegen edi. Osy saparda sol ortalyqtyń resmı ashylý is-sharasy da uıymdastyrylmaq.
Sondaı-aq suhbatta Kaspıı teńiziniń múmkindigin eki eldiń ekonomıkalyq ósimi jolynda tıimdi paıdalaný, jasyl energııaǵa kóshý barysynda tájirıbe almasý syndy t.b. mańyzdy máseleler qamtyldy.
Suhbattyń tolyq nusqasyn myna siltemeden oqı alasyz.
