Kollajdardy jasaǵan – Almas MANAP, «EQ»
Osy aptada prokýrorlar Pavlodar qalasyndaǵy mektep dırektorlarynyń biri iri kólemdegi bıýdjet qarajatyn urlaǵanyn áshkereledi. Ol bilim uıasyna áldebir azamatty jumysqa alyp, sonyń atyna aı saıyn eńbekaqy aýdaryp otyrǵan. Túptep kelgende, álgi qyzmetker mektepte jumys istemegen. Oblystyq prokýratýranyń dereginshe, mektep basshysy osy zańsyz áreketi arqyly memleketke jalpy somasy 2,5 mln teńge shyǵyn keltirgen.
«Materıaldar Sybaılas jemqorlyqqa qarsy qyzmetke joldandy. Qylmystyq kodekstiń 189-baby (senip tapsyrylǵan bótenniń múlkin ıemdený nemese jymqyrý) boıynsha sotqa deıingi tergep-tekserý júrgizilip jatyr», dep habarlady óńirlik prokýratýradan.
Buǵan qosa jýyqta Aqqýly aýdanyndaǵy «Qyzǵaldaq» balabaqshasynyń dırektory men býhgalteri mekemedegi jalaqy men ústemeaqylardy zańsyz esepteý jolymen 62 mln teńgeden astam bıýdjet qarajatyn qoldy qylǵany týraly is sotta qaraldy. Belgili bolǵandaı, 2016-2023 jyldar kezeńinde balabaqsha dırektory men býhgalter qyzmetkerlerdiń eńbekaqysyna qosymsha jalaqy men ústemeaqyny zańsyz belgilep, aı saıyn ol qarajatty ózderi ıemdenip otyrǵan. Sot otyrysynda aıyptalýshylardyń qylmysy kýágerlerdiń aıǵaqtarymen, sot saraptamalarynyń qorytyndylarymen jáne basqa da derek-dáıektermen dáleldendi.
Oblystyq sottan málimdegendeı, bul zańsyz áreket aýyr sybaılas jemqorlyq qylmystarǵa jatady, ol úshin qylmystyq zańda 7 jyldan 12 jylǵa deıingi merzimge bas bostandyǵynan aıyrý túrindegi jaza kózdelgen. Aqqýly aýdandyq soty dırektordyń zeınetkerlik jasyn eskere otyryp, 7 jylǵa bas bostandyǵynan aıyrý jazasyn taǵaıyndady. Buǵan qosa memlekettik qyzmette laýazymdardy atqarý quqyǵynan aıyryldy. Al býhgalterdi 8 jylǵa kesti. Deıturǵanmen onyń sottaǵy shyn nıetpen ókinýin, múliktik zalaldyń erikti túrde ishinara ótegenin, asyraýynda kámeletke tolmaǵan tórt balanyń, onyń ekeýi jas bala ekenin eskere otyryp, Qylmystyq kodekstiń 74-babynyń 1-bóligi negizinde jazasyn óteýdi keıinge qaldyrdy. Býhgalterlik qyzmetpen aldaǵy 10 jyl ishinde aınalysa almaıdy.
Atap óterligi, prokýrorlar buǵan qosa Pavlodar qalasynyń barlyq mektebinde beınebaqylaý kameralary jazý fýnksııalarynsyz jumys isteıtinin anyqtady. Olardyń beınemuraǵattaryna kirý múmkindigi joq jáne polısııanyń jedel basqarý ortalyǵyna qosylmaǵan. Bul kemshilik 2023 jyly «Smart City Pavodar» jobasy aıasynda túzetilýge tıis edi. Alaıda jetkizýshiniń sharttyq mindettemelerdi oryndamaýyna baılanysty áli iske asyrylmaǵan.
Pavlodar oblysy
