Búginge deıin aqynnyń «Araıly tań», «Kúńgirtaý qupııasy», «Meniń elim, meniń jerim», «Maqpal kúnder», «Terbegen teńiz áldıi» sekildi birneshe jyr jınaǵy men pýblısıstıkalyq kitaby jaryq kórip, oqyrmandardyń jyly baǵasyn alǵan.
Kesh shymyldyǵyn elordalyq fılarmonııanyń «Saryarqa» folklorlyq ansambli Qurmanǵazynyń «Adaı» kúıimen ashty. Odan keıin kompozıtor Erjan Toqsanbaevtyń «Tuǵyrly el» týyndysy oryndaldy. Sodan soń Astana qalasy Tilderdi damytý jáne arhıv isi basqarmasy basshysynyń orynbasary Isabek Dosjan kesh ıesin quttyqtap, oǵan elorda ákimi J. Qasymbektiń alǵys hatyn tapsyryp, qazaqy dástúrmen ıyǵyna shapan japty. Sondaı-aq Kókshetaýdaǵy oblystyq ádebıet jáne óner mýzeıiniń dırektory Nurbek Nuralın Aqmola oblysynyń ákimi M.Ahmetjanovtyń quttyqtaý hatyn oqyp berse, Qazaqstan Jazýshylar odaǵy Astana fılıalynyń dırektory, aqyn Dáýletkereı Kápuly atalǵan odaqtyń basqarma tóraǵasy M.Qulkenovtiń quttyqtaý hatyn tapsyrdy. Aqynnyń týǵan jerinen kelgen Soltústik Qazaqstan oblysy Aıyrtaý aýdany ákiminiń orynbasary Jaqsylyq Júsipov aımaq basshysy Ǵ.Nurmuhambetovtyń quttyqtaý hatyn oqyp, syı-qurmet kórsetti. Sonymen birge belgili aqyn, Halyqaralyq «Alash» ádebı syılyǵynyń laýreaty О́ris Iаshkúrqyzy, Qazaqstannyń eńbek sińirgen qaıratkeri Oraz Qaýǵabaı, jazýshy, ulttyq «Aıboz» syılyǵynyń ıegeri Aıgúl Kemelbaeva qalamger shyǵarmashylyǵy týraly jyly lebizderin jetkizdi.
«E.Súıinovtiń óleńderin zer salyp oqyp júremin. Aqynnyń týǵan jer, onyń ásem tabıǵaty jaıly, tarıhı tulǵalarǵa arnaǵan syrshyl óleńderi eshkimdi beı-jaı qaldyrmaıdy. Onyń shyǵarmashylyǵynan únemi izdenis, kórkemdik jaǵynan ósý, til baılyǵy baıqalady», dedi A.Kemelbaeva.
Kesh barysynda Á.Mámbetov atyndaǵy satıra jáne drama teatrynyń ártisteri E.Súıinovtiń Otan, týǵan jer, kórkem tabıǵat kórinisteri men mahabbat taqyrybyna arnalǵan názik sezimge toly óleńderin oqydy. Onyń sózine jazylǵan «О́zińdi kútip júrmin», «Saǵyndym ǵoı men seni» atty ásem ánderdi Qazaqstannyń eńbek sińirgen qaıratkeri Araılym Raqymqyzy men halyqaralyq baıqaýlardyń laýreaty Dos sekildi tanymal ánshiler oryndady. Sonymen qatar aqynnyń jary Marfýǵa Bektemirovanyń óleńine jazylǵan «Aq qaıyńǵa» ánin Qazaqstannyń eńbek sińirgen qaıratkeri Klara Tólenbaeva oryndasa, «Aqqýym meniń qaıdasyń?» týyndysyn talantty ánshi Medet Salyqov shyrqady.
Kesh sońynda aqynnyń ózi sóz alyp, osy is-sharany ótkizýge uıytqy bolǵan Astana qalasy ákimdigine rızashylyǵyn bildirip, jınalǵan qaýymǵa keıingi jazǵan óleńderin oqydy.
