Foto: kapital.kz
Quramynda tóraǵalyq etýshi N.K.Sháripov, sýdıalar B.R.Eralıeva men N.Q.Sultanov bar Joǵarǵy Sottyń azamattyq ister jónindegi sot alqasy JShS-niń bankrot dep taný týraly aryzyna qatysty azamattyq is boıynsha jergilikti sottardyń sot aktilerin qaıta qaraý týraly banktiń ótinishhatyn qarady.
Seriktestik 23 mıllıon teńgeden astam salyq beresheginiń bar ekenin jáne ony óteı almaıtynyn alǵa tartyp, bankrot dep taný týraly sotqa aryzben júgingen.
Birinshi satydaǵy sot boryshkerdiń aryzyn qanaǵattandyrǵan. Apellıasııalyq sot alqasy sheshimdi kúshinde qaldyrǵan. О́tinishhatta bank buryn qabyldanǵan sot aktileriniń kúshin joıyp, aryzdy qanaǵattandyrýdan bas tartý týraly jańa sheshim qabyldaýdy suraǵan.
Basqarmanyń sońǵy ıesi seriktestikti 11 qazanda satyp alǵany jáne 2021 jylǵy 25 qazanda ony bankrot dep taný týraly sotqa aryzben júginýge sheshim qabyldaǵany anyqtaldy.
Sotqa júgingen kezde aryzdanýshy óziniń dármensizdigin jáne bıýdjetke 23 mln teńge kóleminde salyq bereshegin óteı almaıtynyn kórsetken. Alaıda keıinnen onyń basqa da kredıtorlyq bereshegi bary anyqtaldy. Onyń ekinshi deńgeıli eki bankke 45 mıllıon teńgege, jaldamaly jumysshylarǵa 53 mıllıon teńgege jáne azamattyq-quqyqtyq mindettemeler boıynsha 100 mıllıon teńgege jýyq basqa da bereshegi bar bolyp shyqty.
Sonymen qatar salyq organynyń elektrondyq shot-faktýralardyń aqparattyq bazasynan berilgen aqparat boıynsha JShS 2020 jylǵy naýryzdan 2023 jylǵy naýryzǵa deıingi 3 jyl ishinde 12 jetkizýshimen 1,7 mlrd teńgeden astam somaǵa satyp alý aınalymyn júrgizgen.
Joǵaryda atalǵan faktiler aryz berýshiniń onyń dármensizdigi týraly dálelderin joqqa shyǵarady. Sondyqtan Joǵarǵy Sottyń sot alqasy JShS-ni bankrot dep taný týraly aryzdy qanaǵattandyrýdan bas tartty.
