Onyń sózinshe, bul – zaıyrly qazaq qoǵamyna jat dúnıe.
- Máhir – Quran-Kárimde mindetti túrde berilýi tıis dúnıe retinde qarastyrylǵan. Iаǵnı "Nısa" súresiniń 4-aıatynda: "Áıelderdiń máhrlerin yqylaspen berińder. Eger áıelder óz erikterimen senderge máhrdiń bir bóligin berse, odan sińimdi túrde jeńder", - delingen. Biraq búgingi zaıyrly qoǵamymyzda qalyńdyqtyń bolashaq jarynan máhir suraýynyń qajeti joq dep bilemin. Jalpy, musylmandarǵa jaǵdaıy kelip jatsa tórt áıel alýǵa ruqsat etilgen. Ertede turmysqa shyqqan qyzdyń kóp áıeldiń biri bolatyn taǵdyr jolynda onyń materıaldyq jaǵynan quqyǵyn qamtamasyz etýi qajet bolatyn jaǵdaılar týyndap otyrǵan. Túsiniktirek aıtsaq, kóp jaǵdaıda óte az nemese múlde kompensasııasyz qalýy múmkin. Ajyrassa, balalary men dúnıe-múlkiniń kóp bóligi ákesimen birge ketedi. Mine, máhir – osyndaı jaǵdaılardyń aldyn alý kepili retinde qarastyrylǵan, - dedi Baıtanuly Massaget.kz tilshisine.
Mádenıettanýshy zaıyrly qoǵamnyń qyzy turmysqa shyqqan kezde máhir suramaýǵa tıis dep biledi.
- О́z basym jaqyn týystaryma, sózimdi tyńdaıtyn tanystaryma: "Máhir suramańdar, suratpańdar", - deımin. Zaıyrly qoǵamda máhir suraý durys emes, óıtkeni elimizde Parlamentte talqylanyp, Senatta qaralyp, Prezıdent bekitken "QR Neke jáne otbasy» týraly zań bar. Bul zań boıynsha, memleket ókiliniń qatysýymen neke qıylyp, qol qoıylǵannan keıin, eki taraptyń búkil múlki, kóligi, materıaldyq qundylyqtary ortaq bolyp sanalady. Iаǵnı, eki jaqta múlikke ortaq degen sóz. Al, eki jastyń nekesi qıylyp, onyń ústinen máhir suralsa, bul – artyq dúnıe-múlik talap etý degen sóz. Qaltaǵa aýyrlyq túsirmeıtin arzanyraq syrǵa-júzikpen qanaǵanttanbaı, arany ashylyp, arsyzdanǵan keıbir qyzdardyń páter, avtokólikke deıin surap jatýy – zańdyq saýattylyǵy joqtyǵy ári kórgensizdigi. Máhirlik dástúrdi ustanatyn memleketter bar, biraq búgingi tańda damyǵan arab memleketteri zaıyrlyq qoǵamnyń zańnamalaryna kirip jatyr. Sondyqtan máhir qazaq qoǵamyna jat dúnıe, - deıdi mádenıettanýshy.
