El chempıony atandy

Saıysqa elimizdiń 11 aımaǵy­nan kelgen 110 taıboksshy qatys­ty. Olardyń arasynda Azııa, Eý­ropa, Álem chempıonatynyń jeńim­pazdary men júldegelerleri de bar edi.

Jarystyń ashylý saltanatynda Qazaqstan Respýblıkasynyń mýaı-taı federasııasynyń pre­zıdenti Farhat Amanqulov osy jarystyń jeńimpazdary mamyr aıynda Grekııa elinde ótetin álem chempıonatyna qatysatyny, bolashaqta mýaı-taı sportynyń olımpıada oıyndaryna qosy­latyny týraly aıtqan edi.

Jarysqa Oral qalasynda orna­las­qan 5517 áskerı bólimi aty­nan baryp, 91 kılo salmaqta jeńim­paz bolǵan Álı Násipqalıev júldeniń ońaı kelmegenin aıtady:

– Mýaı-taı – fızıkalyq tur­ǵydan kóp daıyndyq talap etetin sport. Jeńistiń qaı-qaısy­sy da ońaı kelmeıdi ǵoı. Osy kezge deıin talaı jaraqat alsam da, taban­dylyqpen alǵa umtylyp kelemin. Qarsylastarym da osal emes, árqaısysy óz aımaǵynan kelgen chempıon. Ásirese fınal­dyq jekpe-jek qıyn boldy. Ta­ban­dylyq pen tájirıbe arqasynda el chempıony atandym. Endi álem chempıonatyna daıyndyǵymdy bas­taımyn, – deıdi Álı.

Batys Qazaqstan oblysy