Kúni keshe 14-23 naýryz aralyǵynda ótkiziletin Naýryznama onkúndigi jarııalandy. Naýryzdyń biregeı logotıpi bekitildi. Merekeniń basy, Kórisý kúniniń qarsańynda Ulttyq quryltaı jıyny óteıin dep tur. Iаǵnı jyl bastamasy retinde de mańyzdy, mazmundy jıyn bolary anyq.
Jyl basynda «Egemen Qazaqstan» gazetine bergen suhbatynda Memleket basshysy Naýryz meıramyna erekshe mán berý kerektigin, bıyldan bastap merekeni jańasha toılaý qajettigin aıtqan edi. Sebebi birtutas mádenı keńistik qurý, rýhanı qundylyqtarymyzdy nasıhattaý turǵysynda mańyzdy qadamdar jasaý – kezek kúttirmes is-sharalar. Sondyqtan quryltaı jıynynda tyń ıdeıalar men usynystar aıtylady degen oıdamyn. Ulttyq quryltaıda negizinen rýhanı-mádenı qundylyqtar, áleýmettik-gýmanıtarlyq salalardaǵy máseleler basa aıtylyp, sheshilý joldary qarastyrylyp kele jatqany belgili. Byltyrǵy Túrkistandaǵy jıynnan bastap onyń baǵyt-baǵdary men jumysy áldeqaıda jańa serpin aldy. Iаǵnı naqty baǵyttardyń aıasynda jyljı bastady. Birinshisi – azamattyq qoǵam, ekinshisi – mádenıet, rýhanııat, óner, úshinshisi – bilim men ǵylym, tórtinshisi – áleýmettik sala jáne óńirlerdi damytýǵa baǵyttalǵan. Osy boıynsha tıisti mınıstrlikter aqparat usynyp, Ulttyq quryltaı múshelerimen keń ári ashyq talqylaýlar ótkizdi, ártúrli usynys berildi.
Sondaı-aq Memleket basshysy byltyr Quryltaı jumysymen qosa, elimizdegi taldaý ortalyqtary men zertteý ınstıtýttarynyń áleýetin tıimdi paıdalaný týraly aıtqan bolatyn. Biz de Mádenıet jáne aqparat mınıstrligine qarasty qoǵamdyq damý ınstıtýty retinde bul jumysqa úles qosyp kelemiz. О́zimizdiń áleýmettik saýalnama derekterin, zertteý nátıjelerin usyný arqyly saıası sheshimderdiń jumysyn jandandyrýdy aldymyzǵa mindet qoıyp otyrmyz.
Joǵaryda atalǵan suhbat barysynda Prezıdent: «Ulttyq quryltaı jıynyn keıinge qaldyrmaı, erte kóktemde ótkizýimiz kerek», degen edi. Jıynda birqatar tyń ıdeıa aıtylady, bul usynystar erteń zań jobalaryna kiredi. О́ıtkeni Quryltaı músheleriniń ózderi túrli toptardan jınalǵandyqtan, ártúrli ıdeıalardy jan-jaqty talqylaýǵa múmkindik mol. Sol turǵyda Ulttyq quryltaıdy búkil halyqtan usynys, pikir jınaýdyń alańy dep aıtýǵa bolady.
Qazir Ulttyq quryltaı e-mobile qosymshasynda jumys istep tur. Onyń ishinde de halyqtyń usynys-pikirine árdaıym monıtorıng jasalady. Sondyqtan Quryltaı otyrysyn ár saladaǵy azamattardyń, ár toptaǵy adamdardyń, jalpy halyqtyń múddesin jetkizetin alań dep aıtýǵa bolady. Atyraýdaǵy quryltaı jıynynda da ózekti máseleler kóteriledi dep senemiz.
Oljas BEISENBAEV,
Qazaqstan qoǵamdyq damý ınstıtýtynyń sarapshysy
