JASTAR JAŃA BIIKTERGE UMTYLADY

Aqtóbelik jastardyń “Aýyl­dyń gúldenýi – Qazaqstannyń gúldenýi” marafon-estafetasynyń alǵashqy kezeńiniń qorytyndysy shyǵaryldy. Oblys ákiminiń bas­pasóz qyzmetiniń habar­laýynsha, oblystyń bilim berý uıymdarynan marafon-estafetaǵa qatysýshylar osy kezeńde 373 gektar saıabaqtar men gúlzarlardy kóriktendirip, 689 gektar ózen jaǵalaýlaryn tazar­typty. 158 aýyldyń 666 kóshesi tártipke keltirilgen. Sondaı-aq orman jolaqtarynyń 114 ýchaskesi qýraǵan aǵashtardan, 613,9 shaqy­rym jol boıy turmystyq qal­dyqtardan tazartylǵan. 253 stı­hııa­ly qaldyq úıindileri joıy­lyp, 1736 tonna kúl-qoqys eldi meken­derdiń syrtyna shyǵary­lypty. Marafon-estafetaǵa qatysýshylar 28 sport ǵımaratyn jóndegen, 5867 gektarǵa gúlder jáne kók shóp egip, 30 000 aǵash kóshetterin otyrǵyzǵan. Aýdan ákimderiniń esepterin tyńdaǵan oblys basshysy aqtóbe­lik jastardyń óz ólkesin kórik­tendirýge, kógaldandyrýǵa úles qossam degen izgi nıeti men shyna­ıy patrıottyq qozǵalysyna atústi qaraýǵa bolmaıtynyn jetkizdi. Ol el aýqymynda qoldaýǵa ıe bolǵan aqtóbelik jastar bastamasyn júze­ge asyrýǵa qarjy tolyq qarasty­ryl­ǵanyn, onyń jastarǵa eńbek­aqy tóleýge de, kólikke, kıindirýge jáne tamaqtandyrýǵa da ketetin shyǵyndarǵa jetetinin málim etti. Endigi másele jumystyń jergilikti jerde qalaı uıymdastyrylýyna baılanysty ekenine toqtala kelip, tek jastardy ǵana emes, belsendi ata-analardy jáne ardagerlerdi de yntalandyrý qajettigin aıtty. Oblys basshysy atqarylǵan ju­­mys, jastardyń eńbegin uıymdas­tyrý jaıynda aqparattardy ózara tekserýge nazar aýdardy. Tamyz­dyń aıaǵynda eńbektiń barlyq baǵyttary jáne oblystyń barlyq óńirleri boıynsha naqty nátıje kórinetinin eske salyp, sol kezde uıatqa qalmaýdyń qamyn qazirden bastap oılastyrýdy mindettedi. Bastama kóterýdiń jaýapkershi­ligin túsingen aqtóbelik jastardyń jańa legi eńbek estafetasyn jalǵastyrýǵa kiristi. Osy aralyqta Pavlodar qalasynda ótken “Birli­gimiz jarasqan!” atty III respýblı­kalyq forýmnan oralǵan aqtóbelik delegasııa basshysy – oblystyq ishki saıasat basqarmasy bastyǵy­nyń orynbasary Syrym Ábdirah­manov­tyń málimdeýinshe, bizdiń oblystyń bul marafon-estafetaǵa 1 mıllıard teńge bólgenin, bel­sen­di eńbek etken jastardy qol­daý­ǵa oblys ákimi Eleýsin Saǵyn­dyqov 60 avtokólik, 1 myń noýt­býk, Astana qalasyna qydyryp qaıtýǵa 2000 joldama beretinin jetkizgende, osy sharaǵa qatysýǵa jer-jerden kelgenderdiń bári tańǵalypty. Sol forýmǵa qatys­qan 14 aqtóbeliktiń ishinen Aqtóbe hrom qosyndylary zaýytynyń 5-seh jumysshysy Kárim Dúı­muha­nov pen “Aqtóbemunaıgaz” AQ Jańa­jol munaı-gaz óńdeý zaýyty­nyń ınjener-tehnology Ákim­gereı Ertaev “Birligimiz jaras­qan!” qurmetti erekshelik belgisi­men marapattalypty. Mine, “Aýyldyń gúldenýi – Qa­zaq­stannyń gúldenýi” atty bastama kótergen aqtóbelik jas­tar­dyń jazǵy demalystarynda qoǵam­ǵa qajetti ispen aınalysyp, týǵan aýylyn, ósken óńirin kórkeı­týge, kóriktendirýge jumylyp jat­qan ónegesiniń ómirsheńdigi de osyn­da bolsa kerek. Jastardy qol­da­ǵan jergilikti bıliktiń qam­qorlyǵy zaıa ketpeı, bul baǵytta tabystyń aýyly da qońsy qona­tynyna aralyq kezeńniń qory­tyn­dysy da sendire túsedi. “Bala­pandy kúzde sanaıdy” degen­deı, jastar eńbeginiń qansha­lyqty qaı­tarymdy bolǵanyn Ata Zańy­myz­dyń 15 jyldyǵy mereke­lene­tin ústimizdegi jylǵy 30 tamyz­da bile­tin bolamyz. Oǵan deıin talaı sharýa­nyń basy qaıyry­latyny sózsiz. Satybaldy SÁÝIRBAI. Aqtóbe oblysy.