Sport • 18 Naýryz, 2024

Túrkııadaǵy karate týrnıri: Qorjynǵa eki altyn, úsh qola tústi

141 ret

kórsetildi

1 mın

oqý úshin

Túrkııanyń Antalıa qalasynda WKF karateden eresekter arasyndaǵy Karate1 Premier League - Antalya 2024 týrnıri aıaqtaldy. Vedomstvoǵa qarasty Sportty damytý dıreksııasy málim etkendeı, álemdik reıtıngide ár salmaq boıynsha úzdik 32 sportshy ǵana baq synaıtyn aýqymdy jarysqa 60 elden 400-ge jýyq tatamı sheberi jınalǵan. Qazaqstannan 14 karateshi qatysyp, eki altyn, úsh qola júlde jeńip aldy, dep habarlaıdy Egemen.kz.

Shyńǵys MUQAEV

Túrkııadaǵy karate týrnıri: Qorjynǵa eki altyn, úsh qola tústi

Foto: Sportty damytý dıreksııasy

Kýmıte baǵdarlamasynda Móldir Jańbyrbaı (50 kg) jáne Bella Samasheva (55 kg) altynnan alqa taqty.

Al atalǵan týrnırde qola júldeger bolǵandar: Azııa oıyndary chempıony Nurqanat Ájiqanov, osyǵan deıin Azııa oıyndarynyń qola júldegeri, Azııa chempıony Ásel Qanaı, Tokıo olımpıadasynda olja salǵan Sofıa Berýlseva.

«Sportshyǵa tuǵyrǵa shyǵyp, qolyn júreginiń tusyna qoıyp, óz eliniń ánuranyn oryndaý – úlken baqyt. Sol sezimdi sózben aıtyp jetkizý múmkin emes. Meni qoldaǵan árbir janǵa alǵys bildiremin! Alǵa, Qazaqstan!», dedi Móldir Jańbyrbaı.