Foto: depositphotos.com
Ipotekalyq baǵdarlamanyń ázirge naqty sharttary belgilenbegen. Belgilisi tek kópbalaly otbasy men áleýmettik osal topqa jatatyn jetim balalar, múgedektigi bar turǵyndar úshin baspana 7 paıyz kórsetkishpen beriledi.
Qalǵan sanattaǵy adamdar 9 paıyzdyq kórsetkishpen úı alýǵa quqyly.
Almaty men astanalyqtar eń joǵary somasy 30 mıllıon teńgege deıin ıpotekalyq nesıe rásimdeı alady. Shymkent qalasyn qosqanda megapolıstikter bastapqy úı naryǵynan ǵana baspana alýǵa múmkindigi bar. Al qalǵan óńirler: Aqtaý, Aqtóbe, Atyraý, Qaraǵandy, Kókshetaý, Qostanaı, Qyzylorda, Qonaev, Pavlodar, Petropavl, Semeı, Jezqazǵan, Taldyqorǵan, Taraz, Túrkistan, Oral, О́skemen turǵyndarynda bul kórsetkish - 18 mln teńge. О́ńir turǵyndary bastapqy, ekinshi naryqtaǵy úıler men jeke sektordaǵy úıdi ıpotekaǵa alý múmkindigi qaralǵan.
Osylaısha jańa ıpotekalyq baǵdarlama monoqalalarda ǵana emes eldiń barlyq aımaǵyn qamtymaq.
15 naýryzda Memleket basshysy Qasym-Jomart Toqaev Ulttyq quryltaı otyrysynda Úkimetke Qazaqstanda, onyń ishinde aýyldar men oblys ortalyqtarynyń turǵyndary úshin jańa qoljetimdi ıpotekany ázirleýdi tapsyrǵan bolatyn.
18 naýryz kúni Úkimet basshysy Oljas Bektenov jańa ıpotekalyq baǵdarlamaǵa 300 mıllıard teńge bólinetinin habarlady. Jańa baǵdarlama aıasynda alǵashqy jyly 12 myń otbasy nesıe ala alady. Ipoteka merzimi áli belgisiz.
Ipoteka rásimdeýge:
- jumys isteıtin jastar;
- jas otbasylar;
- turǵyn úı tólemderin alýshylar;
- «Otbasy Bankiniń» salymshylary;
- monoqala, oblys ortalyqtarynyń, sondaı-aq aýyldyq eldi meken turǵyndary ótinish bere alady.
