Ańdatpa: Balzaktar men Mopassandar

Fransýz ádebıeti búkil Eýropanyń ıntellektýaldy jáne kórkemdik damýynda basty oryn alǵany barshaǵa aıan. Ádebı buryshqa sol talaı oqyrmannyń janyn jylytqan, tańǵaldyryp, tamsandyrǵan álemge áıgili fransýz shyǵarmalary qoıylady. Al ashylý rásimine fransýz elshiliginiń ókilderi men Fransýz alıansy qatyspaq.

Shyrqaıdy bulbul

5 sáýir kúni KSRO jáne Qazaqstannyń halyq ártisi Bıbigúl Tólegenovanyń 95 jyldyǵy aıasynda «Án áleminiń bulbuly» atty monokonsert ótedi.

Án keshinde Jambyl oblystyq fı­lar­monııasynyń ánshisi, Mádenıet sala­synyń úzdigi Ásel Ýasheva Bıbigúl Ahmet­qyzynyń repertýaryndaǵy «Kóktem val­si», «Gaýhartas», «Mama» sekildi ózge de birneshe ándi oryndaıdy. Sondaı-aq monokonsertte Bahrom Mýmınov, Dıas Ábilekov bastaǵan ánshiler de óner kórsetedi. Mono­konsert fılarmonııanyń ıýtýb arnasy arqyly kópshilik nazaryna usynylmaq.

Sáýirdegi syılyqtar

Aldaǵy bir aı boıy «Astana opera» teatrynyń K.Baı­seıitova atyndaǵy Kame­ralyq zalynda Fransııa men Qa­­zaqstannyń oryndaýshylary óner kórsetedi. Sáýirge arnalǵan baǵdarlamany «As­tana opera» orkestriniń bi­rinshi skrıpkasy, Qazaq­stan­nyń eńbek sińir­gen qaı­ratkeri Baǵdat Ábil­hanovtyń jańa jobasy – «Mýzykalyq alıans» kameralyq keshter toptamasy ashady.

2 sáýirde I.S.Bah, V.A.Mosart, A.Kaza­dezıýs, I.Benda men basqa da kompo­zıtor­lardyń týyndylary teatrdyń Kame­ralyq orkestriniń, sondaı-aq skrıpkashylar Baǵdat Ábilhanov, Ásem Jaqparova, Balnur Qudaıbergen jáne altshy Olesıa Morozovanyń oryndaýynda shyrqalady. «Mýzykalyq alıans» toptamasynyń ekinshi konserti 25 sáýirde ótedi. Tyńdarmandarǵa E.Brýsılovskıı, A.Jubanov, M.Tólebaev, Ǵ.Jubanova, K.Kúmisbekov, M.Saǵatov, A.Toqsanbaevtyń shyǵarmalary men halyq kúıleriniń zamanaýı óńdeýleri usynylady.

Kıno kór de, «Alqaǵa» kel

6 sáýirde Ulttyq akademııalyq kitaphanada «Alqa» ádebı-má­denı klýbynyń kezekti otyrysy ótedi. Taqyryp – rejısser Frenk Darabonttyń «Jasyl mıl» fılmin taldaý.

Oıtalqyǵa qalamgerler men klýb músheleri, kitaphana oqyrmandary qaty­sady. Atalǵan kınotýyndyny kórgen bolsańyz, klýbtyń otyrysyna baryp, oı-pikirińizben bólisseńiz bolady.