Foto: tengrinews.kz
Otyrys barysynda áleýmettik kómek kórsetý, sý tasqyny saldaryn, atap aı̆tqanda baı̆lanys, elektr energııasy, jol qatynasy, telefonııa, sanıtarlyq-epıdemıologııalyq jaǵdaı̆dy qalpyna keltirý máseleleri talqylandy.
О́tken táýliktiń ózinde TJM jáne ákimdikterdiń kúshimen 116 myń tekshe metrden astam erigen qar sý soryldy, sondaı-aq 5,8 myńnan astam qapshyq jáne 370 tonna ınertti materıal tóseldi.
«Avarııalyq-qutqarý jumystaryna 953 adam, 441 birlik tehnıka, 157 birlik sý aı̆daý quraldary jáne 22 birlik júzý quraldary, 4 áýe tehnıkasy tartyldy.
38 eldi meken elektr qýatynan ajyrap qaldy. Qumar Aqsaqalov aqaýlardy joıý jumystaryn jedel júrgizýdi tapsyrdy», delingen ákimdik habarlamasynda.
Odan bólek oblys ákimi zardap shekken halyqqa jedel kómek kórsetýdi tapsyrdy.
«Zardap shekkenderdiń barlyǵyna jedel túrde áleýmettik kómek kórsetý qajet. Halyq kútip otyrmaýy úshin búgin barlyq úı̆lerdi aralańyzdar», dedi Qumar Aqsaqalov.
Shyǵyndy óteý baǵalaý júrgizilgennen keı̆in zańnamaǵa sáı̆kes júzege asyrylatyn bolady. Barlyq úsh aýdan úshin baǵalaýshy bolyp belgilengen «Stella» JShS-men kelisim-shart qol qoıý kezeńinde tur.
«Qazirgi ýaqytta shyǵyndy jergilikti bıýdjet esebinen óteý úshin zardap shekkenderden ótinishter jınalyp jatyr. Máselen, sý tasqynynan neǵurlym kóp zardap shekken «Qyzyl juldyz» aýylynyń turǵyndarynan 185 ótinish jınaldy. Olarǵa demeýshilik jáne qaı̆yrymdylyq kómek esebinen otbasynyń árbir múshesine 100 myń teńge, barlyǵy 18 500 myń teńge somasynda jedel kómek kórsetý týraly sheshim qabyldandy», delingen habarlamada.
