О́ńir ákimi jedel kómek kórsetý, barlyq múmkin resýrstardy tartý boıynsha naqty tapsyrma berdi.
«Úıge jarty saǵatqa sý kirse de, bul otbasylar zardap shekti. Eshkim memlekettiń kómeginsiz qalmaýy tıis», dep atap ótti Qumar Aqsaqalov.
29 naýryzdan bastap TJ rejımi jarııalanǵannan keıingi kúni Qostanaı oblysynda sý tasqynynan zardap shekkenderge alǵashqy tólemder tólene bastady.
Otbasynyń árbir múshesine 100 myń teńgeden 183 adam tólem alady. Shamamen bir otbasyna orta eseppen 500-600 myń teńge bólinedi. Barlyǵy 18 mln. teńgeden astam tólendi.
Bul tólemder turǵyn úıdi jalǵa alý, azyq-túlik, kıim-keshek satyp alý jáne taǵy basqa negizgi qajettilikterdi qanaǵattandyrýǵa arnalǵan.
Birinshi kezektegi tólemderden basqa ataýly áleýmettik kómek, sondaı-aq jyljymaly, jyljymaıtyn múlik pen mal sanyn qalpyna keltirýge qarajat qarastyrylǵan.
Qarjy basqarmasynyń basshysy Alma Júsipovanyń aıtýynsha, tıisti kómek alý úshin zalaldy baǵalaý jónindegi komıssııaǵa júgingen jón.
«О́tinishti toltyrý, otbasy quramyn kórsetý jáne jeke kýálikti, sondaı-aq qarajatty esepteý úshin kartochkalyq shotty usyný qajet», dep qorytyndylady Alma Aýtenqyzy.
Sondaı-aq bıznestiń áleýmettik jaýapkershiligi sheńberinde demeýshilik kómek tartylady. Eshkim beı-jaı qarap qalmaıdy.
