«Qazgıdromettiń» 31 naýryzdaǵy málimeti boıynsha, Qostanaı oblysynda synap baǵanasy +20 gradýsqa deıin kóterilip, jańbyr jaýýy múmkin. Osyǵan oraı, Tótenshe jaǵdaı departamenti oblystyń ońtústik óńirinde jaǵdaı qaıta ýshyǵyp, ortalyq, soltústik óńirlerinde sý tasýy múmkin ekenin habarlady. Qaýip aımaǵyna Qarasý, Áýlıekól, Naýyrzym, Qamysty, Sarykól, Altynsarın, Meńdiqara, Uzynkól aýdandary kiredi. Sonymen qatar Reseıden kiretin iri ózenderdiń boıynda jatqan Jitiqara, Denısov, Qostanaı, Qarabalyq, Beıimbet Maılın aýdandaryna da sý tasqynynan qaýip tónip tur.
Osyǵan oraı, oblystyq Tótenshe jaǵdaı departamenti jergilikti ózin-ózi basqarý organdaryna qaýiptiń aldyn alýdy, evakýasııalaý joldaryn anyqtaýdy eskertti.
