foto: Almaty oblysynyń PD
Aýqymdy izdeý jumystary áli nátıje bergen joq.
Aıta keteıik, úsh jasar Aıasofııa eki aptadan beri izdestirilip jatyr.
Esterińizge sala keteıik, 17 naýryzda Almaty oblysynyń Tótenshe jaǵdaılar departamentine Eńbekshiqazaq aýdanyndaǵy Kúsh aýyly mańynda 2021 jyly týǵan qyz bala joǵalyp ketkeni týraly habarlama túsken edi. Ol úıden shyǵyp, osy kúnge deıin oralmaǵan.
Buǵan deıin 3 jasar qyzdy izdeýge 300 adam shyqqan.
Qutqarýshylar birinshi kúnnen bastap shynjyrmen tizilip, taraq ádisimen jer betinde izdeý jumystaryn júrgizdi. Jer betindegi izdestirý jumystarymen qatar ROSO qutqarýshylary úıge jaqyn mańdaǵy sý aıdynyna súńgý jumystaryn júrgizdi. Izdestirý jumystaryna arnaıy úıretilgen ıtter men «Kazavıaspas» tikushaǵy jumyldyryldy.
