Baǵdarlama júrgizýshisi Nazym Janǵazy Májilis depýtaty Oljas Quspekovke osyndaı saýal qoıdy.
«Erigen qardy jınap, jazda qoldanýǵa bola ma, sondaı tehnologııa bar ma? Oljas myrza, siz kóp jer kórdińiz, Koreıada oqydyńyz, qalaı oılaısyz, bizge osyndaı tájirıbe eńgizýge bola ma? Qys boıy jınalǵan qardy jazda qoldansaq qaıtedi?», dedi jýrnalıst.
Al májilismen mundaı tájirıbe barlyq damyǵan elderde bar ekenin aıtty.
«Qazaqstannyń terrıtorııasy úlken, sondyqtan qys boıy jaýatyn qar bizge bir-eki jylǵa jazǵy ýaqytta sýarmaly sý retinde paıdalanýǵa jeter edi. Biraq býlaný bar, basqa prosesster bar, onyń barlyǵyn retteý maqsatynda Májiliske sý kodeksi endi. Osy qujatpen sonyń barlyq tetikterin - halyqaralyq tájirıbeni, qardy saqtap sý retinde egistikke paıdalanýdy, barlyq tetikterin qarastyryp jatyrmyz. Oǵan qosa Sý mınıstrligi qurylǵan sebebi sol, óıtkeni bizde bul baǵytta úlken júıeli problema bar. Sondyqtan da osy zań jobasy qolǵa alyndy, endi osyny bolashaqta retteýge bolady», dep jaýap berdi depýtat.
