Zardap shekkender kómeksiz qalmaıdy­

Shtab jumysy aıasynda Premer-mı­nıstrdiń orynbasary – Ulttyq ekonomıka mınıstri Nurlan Baıbazarov tabıǵı sı­pattaǵy tótenshe jaǵdaılardan zardap shekkenderge keltirilgen zııandy óteýge qarajat jergilikti atqarýshy organdar rezervinde kózdelgenin baıandady. Zalaldyń aldyn ala mólsherin JAO (Jergilikti atqarýshy organ), О́nerkásip jáne qurylys, sondaı-aq Tótenshe jaǵdaılar mınıstrlikteri aı­qyndaıdy. Qosymsha qajettilik týyn­daǵan jaǵdaıda qarjylandyrý Úkimettiń rezervinen qarastyrylady.

Is-áreket algorıtmi:

1) materıaldyq zardap shekkender TJ týyndaǵan kúnnen bastap kúntizbelik 30 kún ishinde JAO-ǵa materıaldyq zalaldy óteý týraly ótinish beredi.

2) JAO ótinish tirkelgen kúnnen bastap 10 jumys kúni ishinde keltirilgen zalaldyń mólsherin baǵalaýdy uıymdastyrady. Turǵyn úıi qaýipti dep tanylǵan zardap shekken azamattardyń tizimin jergilikti ákimdikter qalyptastyrady.

Medısına qyzmetkerleri táýlik boıy qyzmet kórsetedi

Sý tasqynyna qarsy is-sharalardy úılestirý jáne sý tasqyny kezeńiniń zardaptaryn joıý jónindegi respýblıkalyq shtab apattan zardap shekken óńirlerdegi halyqqa medısınalyq kómek kórsetý máselesin erekshe baqylaýda ustap otyr.

Medısınalyq uıymdar kúsheıtilgen re­jim­de jumys istep, dárigerler men jedel medısınalyq járdem brıgadalary qo­symsha jumyldyryldy. Barlyq evakýa­sııa­lanǵandardy dárigerler qarap-tekserýde, olardyń jaǵdaıy turaq­ty, qandaı da bir jaraqat alý týraly sha­ǵymdar túsken joq. Júkti áıelder men balalardyń jaǵdaıyna baqylaý júr­gizi­lip otyr. Bosaný ýaqyty taıaǵan áıel­der aýdan­dyq jáne oblystyq ortalyq­tarǵa kó­shirildi. Densaýlyq saqtaý mınıstr­ligin­de jaǵdaıdyń kúndelikti monıtorıngi júrgiziledi. Sý tasqynynan zardap shekken óńirlerdiń turǵyndary úshin medısınalyq jáne psıhologııalyq kómektiń qosymsha brıgadalaryn ashý úshin qyzmetterdiń daıyndyǵy qamtamasyz etildi.

Halyqty ýaqytsha jınaý pýnktterinde táýlik boıǵy medısınalyq posttardyń jumysy qamtamasyz etildi, dárilik zattar men medısınalyq buıymdardyń qajetti qorlary daıyndaldy. Barlyq óńirde sanıtarlyq-epıdemıologııalyq ahýaldy baqylaý jáne monıtorıng kúsheıtildi.

Sonymen qatar jergilikti jerlerde densaý­lyq saqtaý máseleleri boıynsha baılanys ortalyq­tarynyń jumysy biryńǵaı algorıtmmen táýlik boıy jumys isteý rejimine aýystyryldy.

Sý tasqynynan zardap shekken óńir­ler turǵyndary densaýlyq saqtaý bas­qar­­­malary Call-ortalyǵyna myna nómirler arqyly habarlasa alady:

• Aqtóbe oblysy (+7 (7132) 41 02 13)
• Qostanaı oblysy (+7 (7142) 52 40 70)
• Batys Qazaqstan oblysy

(+7 (7112) 24 00 06)

• Qaraǵandy oblysy (+7 (7212) 95 55 59)
• Abaı oblysy (+7 (7222) 56 64 50)
• Ulytaý oblysy (+7(7102) 99 95 09)
• Aqmola oblysy (109)

Oqýshylar qashyqtan oqıdy

Sý tasqynyna qarsy respýblıkalyq shtab jumysynyń aıasynda 88 bilim berý uıymy tórtinshi toqsandy qashyqtan oqytý formatynda bastady.

Oqý-aǵartý mınıstrligi resmı ókiliniń habarlaýynsha, qashyqtan oqytý sý tasqyny qaýpi seıilmegen aýmaqtardaǵy 56 mektepte, sondaı-aq evakýasııalyq pýnktter retinde aıqyndalǵan 32 mektepte uıymdastyrylyp otyr.

«Osy dúısenbiden bastap 3 mln-nan astam oqýshy úshin 2023-2024 oqý jylynyń tórtinshi toqsany bastalady. Bul rette sý tasqyny jaǵdaıyndaǵy óńirlerde oqýshylar qashyqtan oqýǵa kóshiriledi.

Jergilikti jerlerde Oqý-aǵartý mı­nıstrliginiń aýmaqtyq bilim berý salasynda sapany qamtamasyz etý departamentteri men óńirlik bilim basqarmalary jumys jasaıdy. Evakýasııalyq beketterdegi balalarǵa kómek kórsetý úshin psıholo­gııa­lyq qyzmetter iske qosyldy. Bala­lar qashyqtan oqýǵa qajetti oqý qural­darymen, kıim-keshekpen jáne tehnıkalyq qural­darmen qamtamasyz etildi. Evakýa­sııalanǵan 1-4 synyp oqýshylaryn tamaq­pen qamtýǵa qatysty jumys júrgizilip jatyr», dep atap ótti salanyń resmı ókili Mereke Amangeldiqyzy.

Sondaı-aq táýekelderdi azaıtý jáne tótenshe jaǵdaıda bilim berý úderisin jalǵastyrýdy qamtamasyz etý úshin Aqtóbe oblysyndaǵy kolledjder qashyqtan oqytý formatyna aýystyryldy.