Oblystyq polısııa departamenti baspasóz qyzmetiniń aqparatyna súıensek, sý polısııasynyń qyzmetkerleri turǵyndardy evakýasııalaýǵa kómekke keldi.
«Tasqyn sý Qyzylqoǵa aýdanynyń ortalyǵy – Mııaly aýylynan shyǵatyn aınalma joldy shaıyp ketti. Qazir jol qozǵalysy toqtady. Sý polısııasynyń qyzmetkerleri 1 sáýirden beri Taısoıǵan aýylynan 100-den astam turǵyndy motorly qaıyqpen evakýasııalady. Búgin, 2 sáýirde tańǵy saǵat 7-den beri Kózdiqara eldi mekeninen 30-ǵa jýyq turǵyndy evakýasııalaý bastaldy», dep habarlady departamenttiń baspasóz qyzmeti.
