Foto: gov.kz
Kásibı boryshyna adal bola biletin qyzmetkerler sý basqan aýdandardyń turǵyndaryn medısınalyq kómeksiz qaldyrmady. Osy oraıda mınıstr barlyq dárigerlerge, feldsherlerge, meıirgerlerge shyn júrekten alǵysyn bildirdi.
Vedomstvo basshysy Aqtóbe oblysyna qarasty Nura kentinde egiz náresteni dúnıege ákelgen turǵynǵa kómek kórsetken aýyldyq ambýlatorııa dárigerleri men meıirgerlerin nazarsyz qaldyrmady.
Olar jalpy praktıka dárigeri Saýııa Jambylqyzy Sataeva, meıirgerler Aıjan Qaıyrbekqyzy Alhanova, Aıarý Batyrbekqyzy Molshylyq, aýdandyq gınekolog dáriger Meıramgúl Baqytqyzy Nurǵalıeva.
Mınıstr osyndaı qıyn kúnderde birlik pen ózara kómek qana barlyq qıyndyqtardy jeńýge járdemdesetinin, dárigerlerdiń halyq densaýlyǵyn saqtaýda aıanbaı qyzmet etetinin atap ótti.
Elimizde sý tasqyny kezinde dárigerler 24 áıeldi bosandyryp alǵan, barlyq áıelder men balalardyń densaýlyǵy turaqty. Sý tasqynynan eń kóp zardap shekken óńirlerde balalardyń aýrýhanaǵa túsýi tirkelmegen.
