Foto: Ulttyq ulan
Sirespe muzdyń kóbesin sógý jumystaryna Ulttyq ulannyń «Búrkit» arnaıy maqsattaǵy bólimshesimen birge Qorǵanys mınıstrliginiń 30238 áskerı bóliminiń 3 saperi men 1 tehnıkasy atsalysty. Sonymen qatar muz jarýǵa Jedel-qutqarý jasaǵynyń 8 adamy, 2 birlik tehnıkasy men 2 qaıyǵy jáne TJD-nyń 4 adamy, 1 tehnıkasy, 1 drony jumyldyrylǵan. Sondaı-aq PD-nyń qyzmetkerlerimen qatar oqý jattyǵý rotasynan 3 adam men 1 tehnıka tartylǵan.
Aýdany 16 myń sharshy metr bolatyn aýmaqta júrgizilgen jumys kezinde 88 kg ammonıt, 1000 metr detonasııalyq sym, 50 dana elektrodetonator, 1000 metr magıstraldyq sym paıdalanyldy. Qolǵa alynǵan jumys sátti aıaqtaldy.
Aıta keteıik, sý tasqyny kezinde ózen betindegi muzdyń qozǵalmaı jatýy sýdyń erneýinen asyp ketýine ákeledi. Sondyqtan da áskerıler sý tasqynynyń yqtımal qaýip-qaterleriniń aldyn alý jumystaryn atqardy.
