Foto: TJM
Májilis depýtaty Maqsat Tolyqbaıdyń aıtýynsha, Altaıda qar endi ǵana erı bastaǵandyqtan, qaýip seıildi deýge áli erte. Sondyqtan Soltústik Qazaqstan, Shyǵys Qazaqstan jáne Pavlodar oblystarynda sý tasqyny qaýpi áli de saqtalyp otyr.
Sondaı-aq depýtat Maqsat Tolyqbaı sý tasqynan zardap shekken óńirlerdi azyq-túlikpen, dári-dármekpen jáne jem-shóppen qamtamasyz etý kerektigin alǵa tartty.
«Marqakól men Qatonqaraǵaıda 2 metr qar jaýyp jatqanyn qaperden shyǵarmańyzdar. Torǵaıda ne bolyp jatqanyn kórdińizder. Turǵyndar júretin jalǵyz joldy sý basyp qaldy. Tek tikushaqpen jáne úlken tehnıkamen qozǵalýǵa bolady. Sondyqtan osy óńirlerdi qajetti azyq-túlikpen, dári-dármekpen, jem-shóppen qamtamasyz etýdi jiti nazarda ustaý kerek», deıdi depýtat.
Osy oraıda Maqsat Tolyqbaı birneshe usynys aıtty:
- jasandy kanaldar jasaý, asa qaýipti aımaqtarda sý qoımalaryn salý qajet. Sondaı-aq taýdan aǵatyn iri jáne transshekaralyq ózender qar men jańbyr sýynan asyp ketpeýi úshin sorǵylardy jyljytý kerek;
- tótenshe jaǵdaı jarııalanǵan aımaqtarda eńbek etetin sharýalar úshin jeńildik qarastyrý kerek, dálirek aıtqanda aýyl sharýashylyǵy nesıelerin óteýdi úsh jylǵa shegersek bolady.
Qyrmyzy JUMAǴALIQYZY,
EUÝ stýdenti
