Ultyna qyzmet etken qaıratker

Sanaly ǵumyryn memleket muraty, ult keleshegi jo­lyna, týǵan eliniń tuǵy­ryn bıik­tetýge arnaǵan О́mir­bek Baıgel­di­uly óz aýlyn­da qarapaıym jumys­shy bolýdan bastap, Par­lament Senatynyń al­ǵash­qy tóraǵasyna deıingi túr­li qyz­met jolynan ótti. Pre­zı­dent keńesshisi, Jam­byl ob­lysynyń ákimi sııaqty ja­ýapty laýazymdar­dy atqar­dy. 16 jyldan astam Senat depýtaty retinde zań shyǵa­rý isine belsene aralasyp, táýelsiz memleketimiz­diń tarıhynda óz qoltańbasyn qaldyrdy.

Táýelsizdikke qol jetkiz­gen jyldary Qazaq eliniń aldynda ekonomıkany na­ryq­tyq qatynasqa kóshirý­den bastap, qoǵam damýyn zańnamalyq turǵyda qam­­ta­masyz etýge deıingi úl­ken mindetter turdy. Derbes mem­­leket qurý úshin ár salada bilikti mamandar tap­shy bolǵany belgili. Ǵa­syr­­­lar boıy armandap jet­­­ken táýelsizdikti saq­tap qalý úshin tar jol, taı­ǵaq ke­she júrip, el irgesin nyǵaı­tý saıasatkerlerdiń taban­­­­dylyǵyn talap etti. Ege­­men­­diktiń eleń-alańyn­daǵy sol alasapyran­nyń or­ta­­­synda О́mirbek Baı­gel­di de júrdi. «Táýel­­siz­dik jarııalanǵan­nan ke­ıingi kúnderi de túrli eko­n­omıka­lyq, saıası qy­­symdar bolyp turdy. Basqasyn aıtpaǵan­da, qazaq­tyń memlekettigine qarsy «rýbl­diń sheńberinde qaly­ńyzdar, áıtpese el bolý­laryń ekitalaı» degen keri pikir­ler de syrttan aıtylyp jatty. Sol úshin de qıyn­nan qıys­tyryp jol tabý­dyń ar­qasyn­da ǵana el táýelsiz­digi­niń irgetasy berik boldy», degen bolatyn ózi de bir esteliginde.

О́mirbek Baıgeldi tuń­ǵysh Senat tóraǵasy bol­ǵan­da, sondaı-aq joǵarǵy pa­­la­t­anyń Halyqaralyq qa­ty­nas­tar, qorǵanys jáne qaýip­sizdik komıtetinde Ábish Kekilbaıuly, Ádil Ahmetov, Qýanysh Sultanov, Oralbaı Ábdikárimov, Ǵanı Qasymov, Amanjol Bólekbaev sııaqty qaıratker tulǵalarmen qoıan-qoltyq aralasa eńbek etti. Onyń tárbıesi men tálimin kórip, tájirıbesin boıyna sińirip, búginde túrli joǵary qyzmette júrgen shákirtteri de bir shoǵyr. Abyz aqsaqal el úshin eń­bek etip qana qoımaı, ulty­nyń muńyn muńdap, jo­ǵyn joqtaıtyn jandarǵa qol­ushyn sozýdyń da halyq aldyn­daǵy perzenttik mindet ekenin keıingi izbasarlaryna ósıet etýden jalyqpady. Jas sheneýnikterge qarata: «Izden, talpyn, tym bol­ma­sa sondaı ister atqaratyn­dardyń, qazaqtyń tarıhy men mádenıetin zertteıtinderdiń jaǵdaıyn jasaýǵa qam qyl», dep aqyl-keńes aıtýy – osy sózimizdiń dáleli.

«О́ldi deýge bola ma, aı­tyń­darshy, ólmeıtuǵyn ar­tyna sóz qaldyrǵan!» dep osyndaıda aıtsa kerek. О́mirbek Baıgeldiniń ózi dú­nıe­den ketkenimen, so­ńyn­­da urpaq jadynan umy­tyl­­mas aty qaldy, ultqa jasa­ǵan eren eńbegi qaldy. El múd­desine qaltqysyz qyzmet etken tulǵanyń esimi tarıhtan oryn alyp, halqymyzben birge jasaı bermek.