Aımaqtardy qalpyna keltirýge qajetti resýrs bólinedi

Qanat Bozymbaev aımaq basshysy Qumar Aqsaqalovpen birge Amangeldi aýdany Amangeldi aýylyndaǵy sý basqan úılerdi aralap, oblys ortalyǵyna apa­ra­tyn joldardyń jaǵda­ıyn zer­delep, halyqqa kómek kór­setetin eriktiler orta­ly­ǵyna bardy. Ortalyqtyń uıym­­das­tyrýshysy Aıbek Tana­baev aý­dan­ǵa gýmanıtarlyq kó­mek­­tiń áli de kelip jatqanyn aıtty. Munda 3 kún ishinde 20 ton­­na­dan astam azyq-túlik, kıim-ke­shek jáne gıgıenalyq quraldar je­tkizildi.

Jangeldi aýdanynda Qanat Bozymbaev Kólqamys aýylyn­daǵy sý tasqyny bolǵan jerge baryp, sondaı-aq qarǵyn sýdan zardap shekken Kókalat aýylynyń turǵyndarymen kezdesti.

Aýdandy áýeden baqylaý bary­synda «Arqalyq – Ekidin» aýdandyq mańyzy bar jol­daǵy apatty kópirge tekserý júr­gizilip, qala ákimi Ekidin kentin­degi sý tasqynynan qalyptasqan jaǵdaı týraly baıandady.

Ári qaraı Qanat Bozym­baev polıtehnıkalyq kol­ledj­­diń jataqhana ǵıma­ratyn­daǵy qutqarý pýnktine ornalas­ty­rylǵan Qyzyljuldyz aýyly­nyń turǵyndarymen kezdesti.

Sý tasqynyna qarsy sharalardy úılestirý jáne qarǵyn sý júrý kezeńiniń saldaryn joıý jónindegi oblystyq jedel shtab Arqalyq qalasynda ornalasqan. Oblystyń barlyq aýmaǵynda oblystyq, qalalyq jáne aýdandyq jedel shtabtar jumys isteıdi. Shyǵyndy baǵalaý boıynsha komıssııa quryldy.

Qostanaı oblysynyń ońtús­ti­gindegi 75 jeke turǵyn úıdi sý basqan. 13 sý shaıǵan jáne 7 búlin­gen jol (1 kópir,  6 jol ja­myl­ǵysy) baqylaýda. 12 eldi me­kende kólik qatynasy joq. 1,2 myń adam evakýasııalandy, olardyń 408-i balalar.

Qarǵyn sýdy sorý, qaptardy tóseý jumystary jalǵasyp jatyr. Sý tasqyny bastalǵannan beri 686,2 myń tekshe metrden astam qarǵyn sý sorylyp, 16 myńnan astam qap tóselip, 1,3 myń tonna ınertti materıal tógildi. Qutqarý jumystaryna 1,7 myń adam, 517 birlik tehnıka, 30 sýda júzý quraly jáne 2 ushaq jumyldyrylǵan.

Jumys sapary barysynda Qanat Bozymbaev aýdan jáne qala ákimderimen, oblystyq qyzmetter men basqarma basshylarymen birqatar kezdesý ótkizdi. Vıse-premer apattyq-qutqarý jumystaryn ári qaraı júrgizý, qutqarylǵan adamdardy barlyq qajetti zattarmen qamtamasyz etý, shyǵyndy baǵalaý, búlingen úıler men ınfraqurylymdy qalpyna keltirý boıynsha bir­qa­tar tapsyrma berdi.

«Adamdardyń qaýipsizdigin qamtamasyz etý jáne zardap shekkenderge kómek kórsetý úshin barlyq jaǵdaıdy jasaý kerek. Sý tasqynynyń zardaptaryn joıý jumystary táýlik boıy júrgizilýge tıis. О́ńirlerdi qalpyna keltirý úshin barlyq qajetti resýrstar bólinedi», dep qorytyndylady Shtab bas­shysynyń orynbasary.

Sonymen qatar vıse-premer Qanat Bozymbaev pen Tótenshe jaǵ­­­daılar mınıstri Shyńǵys Ári­­nov Aqmola ob­ly­synyń sý basý qaýpi bar aımaq­taryn aralap kórdi.

Premer-mınıstrdiń orynba­sary, Tótenshe jaǵdaılar mı­nıstri jáne Aqmola obly­synyń áki­mi elorda mańyndaǵy aýdan­dar­daǵy Nura, Esil ózenderi bas­seınderindegi sý aǵynyn tek­ser­di. Sý tasqynynyń ekinshi keze­ńi­niń bastalýyna baılanys­ty ob­lys­taǵy jaǵdaı turaqty túrde kúr­de­li dep baǵalanyp otyr.

Nura, Esil, Jabaı jáne Kolýton táýlik boıy ózen­de­ri­­niń sý deńgeıin baqylaý úshin beket­ter quryldy. Muz kep­te­lis­teri qalyptasqan kezde olar­dy joıý úshin jarý ju­mys­tary júrgiziledi. О́ńirge As­ta­na qalasy ákimdigi men e­l­or­­da­lyq uıym­dardyń arnaıy teh­nıka­sy jiberilip, TJM jáne Aza­mat­tyq qorǵanys aka­de­mııa­synyń kúshteri qaıta ornalas­tyryldy.

Sý tasqynyna qarsy is-shara­lar kesheni Jibek Joly aýylynda belsendi túrde iske asyrylyp keledi. Eldi mekendi qorǵaý úshin ınert­ti materıaly bar qapshyqtar da­ıyn­­­­dalyp, 2 300 metr qorǵanys úıindisin nyǵaıtý jáne kúsheıtý jumystary júrgizilip jatyr.

Sapar Selınograd aýdany R.Qoshqarbaev aýylynda orna­lasq­an Nura ózeniniń gıdropost­ta­ryn aralaýmen jalǵasty. Vıse-premerge erigen qarǵyn sý qoz­ǵa­­lysynyń jaǵdaıy týraly baıan­­­­daldy. Gıdropostarda táý­lik boıy ba­qy­laý júrgiziledi. 3 sáýir­de­gi jaǵ­daı boıynsha ózen­degi sý deńgeıiniń tómendeýi baı­qa­lady.

Qosshy qalasynyń Taıtóbe aýylynda uzyndyǵy 2 400 metr topyraq úıindisi qorǵanysyn nyǵaıtý jumystary júrgi­zi­lip jatyr. Selınograd aýdanyndaǵy Qaraótkel, Qarajar, Talapker aýyldarynda da sý tasqynyna qarsy is-sharalar tekserildi.

Shtab basshysynyń orynbasary oblys ákimi men TJD basshysyna elorda mańyndaǵy óńirlerde sý tasqynynan ótý máselesin jeke baqylaýǵa alýdy tapsyrdy. Sondaı-aq qaýip-qaterdi joıýǵa baǵyttalǵan bir­qa­tar tapsyrma berildi.

Aqmola oblysy boıynsha sý tasqynyna qarsy is-shara­lar­ǵa barlyǵy 1 500-ge jýyq adam­ men 350 birlik tehnıka jumyldyryldy.