Foto: atr.kz
Búgin saǵat 10:30-da 5 vagondyq poıyz Qulsary stansııasynan Atyraýǵa attandy. Keri baǵytta Atyraýdan Qulsaryǵa poıyz saǵat 19:00-de jóneltiledi. Atalǵan baǵyttaǵy poıyz jospar boıynsha Shoqpartoǵaı jáne Maqat stansııalary aıaldamalaryna toqtaıdy. Jolaýshylarǵa jol júrý tegin bolady.
«Qazaqstan temir joly» kompanııasynyń baspasóz qyzmeti habarlamasynda: «Temir joldyń barlyq bólimsheleri kúsheıtilgen rejımde jumysqa aýystyryldy. Aınalma joldar júrgizilip, sý jınalatyn oryndar anyqtaldy, jer tóseminiń, kópirlerdiń, sý ótkizgish qubyrlardyń, drenajdyq qudyqtardyń jáne t.b. ahýaldaryn baqylaý jónindegi sharalar kúsheıtildi. Poıyzdar qozǵalysyna qaýip tóndiretin sýdy burý boıynsha shuǵyl is-sharalar qabyldanyp otyr. Qajetti qural-jabdyqtary men materıaldary bar 45 shaıyp ketýge qarsy poıyz tolyq daıyn», delingen.
