Foto: OKQ
«Sý basqan aýdandarda 300-ge jýyq jedel járdem brıgadasy jumys istep jatyr. 30 psıholog jumyldyryldy. Júkti áıelder men balalardyń jaǵdaıyna erekshe nazar aýdarylyp jatyr. Máselen, ótken táýlikte Qulsary qalasyndaǵy perzenthanadan 12 áıel, onyń ishinde 5 júkti áıel medısınalyq uıymdarǵa kóshirildi», dedi spıker.
Sý tasqyny bastalǵannan beri barlyǵy 84 júkti áıel evakýasııalanyp, merzimi jaqyn 31 áıel aýrýhanaǵa jatqyzylǵan. Qazir ýaqytsha ornalastyrý pýnktterinde 990 bala bar.
«4 myńnan astam sý synamasynyń 133 synamasy gıgıenalyq normatıvterge sáıkes kelmeıdi. Jalpy, sáıkes kelmeıtin synamalar boıynsha kórsetkish ótken eki jyldyń qorytyndysy boıynsha ortasha respýblıkalyq jyldyq kórsetkishten aspaıdy. О́ńirlerde sanıtarııalyq-epıdemıologııalyq salaýattylyqty qamtamasyz etý jumystary jalǵasyp jatyr jáne mınıstrliktiń turaqty baqylaýynda tur», dedi vedomstvonyń resmı ókili.
