Foto: Pavlodar oblysy ákimdiginiń baspasóz qyzmeti
Esterińizge sala keteıik, qardyń erýi men jaýyn-shashynnyń, sondaı-aq ekpini sekýndyna 25 metrge jetetin jeldiń saldarynan erigen sý dalalyq aımaqtan aýylǵa asyp, oıpatta ornalasqan 14 turǵyn úıdi sý basty.
Aýyldyń oıpatty jerlerinde ornalasqan úılerdi sý basý máselesin sheshý úshin oblystyq jedel shtab 200 000 tekshe metr sýdy quraıtyn 3 jańa shuńqyr salý týraly sheshim qabyldady. Bul keleshekte aýyldy sý basý qaýpi máselesin keshendi túrde sheshýge múmkindik beredi.
Aýylda tótenshe jaǵdaı jarııalanǵan kúnnen bastap 12 birlik tehnıkany paıdalanyp, shuńqyrlar salý jumystary táýlik boıy júrgizildi. Turǵyn úılerdi sý basý qaýpi tolyǵymen joıylyp, jaǵdaı turaqtaldy.
Sý tasqyny kezinde úıleri zardap shekken barlyq aýyl turǵyndaryna jan-jaqty kómek kórsetilip jatyr. Arnaıy komıssııa keltirilgen shyǵyndy eseptep otyr, qorytyndysy osy jyldyń 10 sáýirine deıin belgili bolady. Nátıjesinde zardap shekken úı ıelerine bıýdjetten tys qarajat esebinen ótemaqy tólenedi.
Qyrmyzy JUMAǴALIQYZY,
EUÝ stýdenti
