Foto: primeminister.kz
Astanalyq kontrrettegishte sýdyń aǵýy qazir sekýndyna 30 tekshe metrdi quraıtyny baıandaldy. Kontrrettegishke kelip jatqan aǵyn sekýndyna 248 tekshe metrdi quraıdy. Qazirgi ýaqytta kontrrettegishtiń sý aǵyzý qabiletin sekýndyna 40 tekshe metrge deıin arttyrý josparlanyp otyr.
Sý resýrstary jáne ırrıgasııa mınıstrliginiń málimetteri boıynsha, ahýal turaqty jáne udaıy baqylaýda tur, Astana qalasyn sý basý qaýpi joq.
Úkimet basshysyna Astana sý qoımasyndaǵy jaǵdaı týraly baıandaldy.
Sýdy aǵyzý sekýndyna 400 tekshe metr deńgeıinde júzege asyrylady, sý qoımasynyń kólemi 409 mln tekshe metrdi quraıdy. Preobrajenskıı torabynda sharyqtaý shegine jetti, Nura ózeni arqyly torapqa quıatyn sý aǵyny azaıyp keledi: qazirgi ýaqytta sekýndyna 1400 tekshe metr sý ótip otyr.
Astana qalasy men Aqmola oblysy ákimdigi jaqyn mańdaǵy eldi mekender men qalalardy sý basýdyń aldyn alý boıynsha birlesken jumystar júrgizip jatyr.
Taıtóbe aýylynda sý tasqynynan negizgi qorǵanys qyzmetin atqarǵan úıindilerdi nyǵaıtý jumystary aıaqtalyp qaldy. Bıyl qoldanystaǵy 2400 metrlik bógetke uzyndyǵy 1200 metr, bıiktigi 2,5 metr bolatyn jańa bóget turǵyzyldy.
Jedel shtab Astana, Qosshy qalalary men Taıtóbe aýylyndaǵy sý qoımalarynan sý jiberý derekteri boıynsha jasalǵan boljamdardy eskere otyryp, sý tasqyny jaǵdaıyna monıtorıng júrgizedi.
