Foto: azh.kz
Oblys ákiminiń aıtýynsha, Inder, Mahambet aýdandary men Atyraý qalasy tasqyn sý basý qaýpi bar aımaqqa jatady.
«Qazir aldymen naqty myna aýyldy sý basady dep aıta almaımyz. Sý múldem kútpegen jaqtan kelýi múmkin. Qazir Inder, Mahambet aýdandary men Atyraý qalasy sý basý qaýpi bar aımaqtarǵa jatady. 1994 jylǵy derekterge súıenetin bolsaq, tasqyn sý Atyraý qalasyna Besikti jáne Damby aýyldary arqyly kirýi múmkin», dedi Serik Shápkenov.
Ákimniń deregine súıensek, Jaıyq ózeninde geodezııalyq zertteýler júrgizilip jatyr. Mamandar qaýipti ýchaskelerdi anyqtaıdy. Sol ýchaskelerdi boılaı jaǵalaýdy bekitý jumystaryn júrgizilip, bóget salynady.
«Tasqyn sýdyń qaýpin durys baǵalaý kerek. Sýdyń jolyn bógeýden eshqandaı paıda joq. Sol sebepten, tasqyn sýdy Kaspıı teńizine quıatyndaı burýymyz qajet», dep málim etti Serik Shápkenov.
