Qarajat Biz Birgemiz Qazaqstan qoǵamdyq qoryna, joldardy jóndeýge, qutqarý tikushaqtarynyń jumysyn qamtamasyz etýge, generatorlar, sorǵylar, úrlemeli qaıyqtar men dári-dármekter satyp alýǵa jiberiledi.
«Men sý tasqynynan zardap shekken aýdandarda júrmin. Apattyń aýqymyn kórip otyrmyn. Biz sý tasqynynan zardap shekken barlyq aımaqtarǵa tehnıka usynǵan jalǵyz qormyz. Bizge generatorlar, sorǵylar, úrlemeli qaıyqtar, úlken motorly qaıyqtar, qolshamdar, kúrekter, qaptar kerek. Olardyń biraz bóligin satyp aldyq, qalǵan tehnıkany bizge qaryzǵa berdi. Biz bul qarajattyń dál qazir qajet ekenin túsinip, Kaspi.kz-ten taǵy da qosymsha kómek suradyq. Alynǵan zattardyń aqysyn tóleý úshin bizge 500 mıllıon teńge qajet boldy. Árbir qazaqstandyqqa qaıyrymdylyqtaryńyz úshin jáne Kaspi.kz bizben únemi baılanysta bolyp, barlyq qajetti kómekti kórsetip jatqany úshin alǵys aıtamyz. Bul kómekke baǵa jetpeıdi, munyń arqasynda biz zardap shekken otbasylarǵa kómekti jalǵastyra alamyz!», deıdi Biz Birgemiz Qazaqstan QQ tóraǵasy Perızat Qaırat.
Aıta keteıik, Biz Birgemiz Qazaqstan qoǵamdyq qory 2020 jyly qurylǵan. Qor Covid-19 pandemııasy kezinde qazaqstandyqtarǵa kómek kórsetti. Arys qalasynda oryn alǵan tótenshe jaǵdaı men Semeıdegi orman órtinen zardap shekkenderge kómektesti, sondaı-aq erekshe balalary bar otbasylardy turaqty qoldaıdy.
Naýryz aıynyń sońynda Kaspi komandasy Kaspi.kz qosymshasynda onlaın qyzmet uıymdastyrǵan. Ol arqyly jaǵdaıǵa beı-jaı qaraı almaıtyn árbir qazaqstandyq zardap shekkenderge kómektesý úshin «Biz Birgemiz Qazaqstan» qoryna qarajat aýdara alady. Qazirgi ýaqytta qorǵa 100 myńnan astam qazaqstandyqtan 145 mıllıon teńgeden astam qarajat kelip túsken.
Sondaı-aq, Kaspi.kz súıikti klıentteri men seriktesterine kómektesedi jáne muqtaj adamdarǵa nesıeni keıinge qaldyrý men esepten shyǵarýdy usynady. Bank eldegi jaǵdaıdy jiti qadaǵalap, kómek kórsetýdi jalǵastyrmaq.
