Ulttyq statıstıka bıýrosynyń aqparatynyna sáıkes, el óńirlerinde áleýmettik azyq-túlik baǵasynyń ósýi tirkelmegen.
«Mınıstrlik sý tasqynynan zardap shekken 10 oblysta azyq-túlik taýarlary, onyń ishinde áleýmettik mańyzy bar azyq túlikpen qamtý jaǵdaıyn turaqty baqylaýda ustap otyr. Saýda nysandarynda kóshpeli revızııa júrgizildi, azyq-túlik jáne eń qajetti taýarlar qorlary tekserildi», dedi Saýda jáne ıntergrasııa mınıstrliginiń resmı ókili Álııa Abdrahmanova.
Onyń sózinshe, sý basqan óńirlerde 80 saýda nysany zardap shekken. (Pavlodar oblysynda - 1, Qostanaı oblysynda - 22, Aqtóbe oblysynda - 9, Atyraý oblysynda - 35, Batys Qazaqstan oblysynda - 13 nysan). Qazir zalal somasy naqtylanyp jatyr. Qalǵan óńirlerde jaǵdaı turaqty.
«Mınıstrlik turaqty negizde saýda jelilerimen, úı janyndaǵy dúkendermen jáne kóterme saýda núktelerimen ózara is-qımyl jasaıdy. Kún saıyn azyq-túlik baǵasyna monıtorıng júrgiziledi. Sonymen qatar iri saýda jelilerimen baǵa turaqtylyǵyn qamtamasyz etý baǵytynda túsindirý jumystary júrgizildi. Taýar, azyq-túlik baǵasynyń ósý faktileri anyqtalǵan jaǵdaıda 8(7172)74-37-35 nómirine habarlasýyńyzdy suraımyz», deıdi resmı ókil.
