Foto: TJM
Erasyl Saıpashtyń aıtýynsha, Tótenshe jaǵdaılar mınıstrligi men jergilikti atqarýshy organdar 8 mıllıon tekshe metrden astam erigen sýdy soryp, 1,192 myńnan astam qap pen 1 tonna ınertti materıal tósedi.
«Tótenshe jaǵdaı boıynsha qutqarý jumystary táýlik boıy júrip jatyr. Dál qazirgi ýaqytta 16 myńǵa jýyq adam, 2500-den astam tehnıka, 441 sý aıdaý qurylǵysy, 131 sý kóligi jumyldyryldy. Azamattyq qorǵaý qyzmetteri 85 myńnan astam adamdy, onyń ishinde 30 myńǵa jýyq balany qutqaryp, evakýasııalady. Ýaqytsha ornalastyrý ortalyqtarynda 8349 adam bolsa, onyń 3809-y balalar», dedi Erasyl Saıpash Ortalyq kommýnıkasııalar qyzmetinde ótken brıfıngte.
Elimizdiń Aqtóbe, Qostanaı, Batys Qazaqstan, Ulytaý, Aqmola, Qaraǵandy, Atyraý, Pavlodar jáne Soltústik Qazaqstan oblystarynda 29 jergilikti tótenshe jaǵdaı tirkeldi.
Sondaı-aq jedel jelige 1129 qońyraý túsip, 76 jedel psıhologııalyq kómek kórsetildi. Sonymen qatar 20 oblysta respýblıkalyq jáne oblystyq jedel shtabtar óz qyzmettirin atqaryp jatyr.
Qyrmyzy JUMAǴALIQYZY,
EUÝ stýdenti
