Jábirlenýshi túngi ýaqytta úıine bara jatqan. Úıiniń esigine jaqyndaǵan kezde ol oryndyqta otyrǵan er adamdy baıqaǵan. Qyz esikti ashyp ishke kirgen kezde, er adam onyń artynan baryp, shabýyl jasap, sómkesin julyp almaq bolǵan. Biraq qyz qashyp úlgergen.
«Jedel-izdestirý is-sharalaryn ótkizý barysynda «Esil» aýdany PB krımınaldyq polısııa qyzmetkerleri kúdiktini anyqtady. Ol buryn sottalǵan 29 jastaǵy qala turǵyny bolyp shyqty. Tintý kezinde odan as úı pyshaǵy tabyldy», dep habarlady polısııa qyzmetkerleri.
Atalǵan fakti boıynsha qylmystyq is qozǵaldy. Er adam Astana qalasy PD ýaqytsha ustaý ızolıatoryna qamaldy.
