Ol Daǵystannyń Hasavıýrt qalasynyń mańyndaǵy aýylda turady. Atyraý oblysyna deıin 50 qap salynǵan sómkelerdi jetkizý úshin kólikpen 24 saǵat jol júrgen.
«Týysqandarym áleýmettik jeliden Qazaqstannyń Reseımen shekaralas aımaqtarynda tasqyn sýdan qorǵaıtyn bógetti bekitý úshin qap jetispeıdi degen aqparatty oqypty. Olar bul aqparatty maǵan jetkizdi. Sodan soń baýyrlas elge kómek berý úshin tanystarymnan qap izdeı bastadym. Dosymnyń zat saqtaıtyn qoımasy bar edi. Túngi saǵat 02:00 shamasynda sol qoımadan júk tasıtyn GAZel kóligime 50 myń qapty tıep, jolǵa shyqtym. Atyraýǵa tezirek jetý úshin túnimen jolda júrdim», deıdi Omarashab Ahmedov.
Onyń aıtýynsha, týǵan jerindegi tanystary men dostary týǵan jerine oralýyn asyǵa kútip otyr. Endi olardyń Atyraý oblysyna jınaǵan gýmanıtarlyq kómektiń taǵy bir partııasyn jetkizedi.
«Turatyn elimiz bólek bolǵanymen, qıyn kezde bir-birimizge qoldaý kórsetýimiz kerek. Maqsatym – týysqan halyqtyń qıyndyqtan aman qalýyna úles qosý», deıdi Omarashab Ahmedov.
