Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıǵaıdarov málimdedi.
«Satybaldy Gúlmıraǵa jáne basqa da tulǵalarǵa qatysty zańsyz bas bostandyǵynan aıyrý, asa iri kólemde bopsalaý, aýyr zardaptarǵa ákep soqtyrǵan ozbyrlyq jasady degen kúdikpen tergeý aıaqtaldy», dedi Bıǵaıdarov vedomstvoda ótken brıfıng barysynda.
Ol Gúlmıra Satybaldy qamaýda ekenin atap ótti. Qazir proseske qatysýshylar qylmystyq is materıaldarymen tanysýdy jalǵastyryp jatyr. Osydan keıin olar sotqa beriledi.
Eske salaıyq, 2022 jyly Gúlmıra Satybaldyǵa adam urlady jáne kásiporynnyń aksııalaryn zańsyz ıemdendi degen aıyp taǵyldy. 2023 jyldyń sáýirinde ol kinásin ishinara moıyndady, biraq ol eshkimdi urlamaǵanyn aıtty. Mamyr aıynda Astana soty ony jeti jylǵa bas bostandyǵynan aıyrdy. Maýsym aıynda ol bótenniń senip tapsyrylǵan múlkin jymqyrdy dep aıyptalyp, jazasy segiz jylǵa deıin uzardy.
