Qoǵam • 11 Sáýir, 2024

Q.Satybaldy isi boıynsha memleketke taǵy 50 mlrd teńge qaıtarylady

220 ret

kórsetildi

1 mın

oqý úshin

11 sáýirde Q.Satybaldyǵa qatysty qylmystyq isti qaraý sheńberinde sot (QR QK 218-baby 3-bóliginiń 3-tarmaǵy) prokýrordyń ótinishi boıynsha zańsyz satyp alynǵan aktıvterdi qaıtarý jónindegi rásimderdi oryndaý qajettiligine baılanysty prosestik kelisim jasasý úshin qosymsha merzim berý týraly sheshim qabyldady, dep habarlaıdy Egemen.kz Antikor-dyń baspasóz qyzmetine silteme jasap.

Shyńǵys MUQAEV

Q.Satybaldy isi boıynsha memleketke taǵy 50 mlrd teńge qaıtarylady

Foto: inbusiness.kz

Atap aıtqanda, sottalýshynyń jalpy somasy 50 mlrd teńgeden asatyn qosymsha múliktik aktıvterin memleket paıdasyna qaıtarý týraly másele qaralyp jatyr.

Buǵan deıin habarlanǵandaı, tergeý barysynda Q.Satybaldy óz kinásin tolyq moıyndap, qylmystyq jolmen alynǵan múlikti ashýǵa yqpal etken. Sotqa deıingi tergep-tekserý kezeńinde Sybaılas jemqorlyqqa qarsy qyzmet sottalýshynyń jáne onymen baılanysty tulǵalardyń jalpy somasy 732 mlrd teńgeden astam múliktik aktıvteri men aqshalaı qarajatyn memleket paıdasyna (ákimshilik ǵımarattar, eksklıýzıvti zergerlik buıymdar, lıýks úıler, páterler men avtokólikter, kompanııalardaǵy aksııalar men qatysý úlesteri, temirjol joldary men aqshalaı qarajat, sheteldik múlikterimen qosa) qaıtarýdy qamtamasyz etti.

Aıta keteıik, osy tulǵaǵa qatysty salyq tóleýden jáne bıýdjetke tólenetin basqa da mindetti tólemderden jaltarý faktisi boıynsha tergeý jalǵasyp jatyr.