Foto: senate.parlam.kz
«Qyzylorda oblysynyń áleýmettik-ekonomıkalyq jáne ekologııalyq jaǵdaıy Syrdarııa ózeni basseıniniń kepildi sýmen qamtamasyz etilýine jáne sýarmaly jerlerdiń melıoratıvtik jaǵdaıyna tikeleı baılanysty. Sýarmaly kanaldardyń, qashyrtqylardyń jáne gıdrotehnıkalyq qurylystardyń tozýyna baılanysty sýarmaly jerlerdiń melıoratıvtik jaǵdaıy nasharlaǵan, bul sýarmaly sýdyń joǵalýyna ákeledi. Sýarý júıesiniń paıdaly áser koeffısıenti óte tómen. Irrıgasııalyq júıeler ár túrli organdarǵa bekitilgendikten basqarý júıesi buzylǵan. Sýarý júıeleriniń qanaǵattanarlyqsyz jaǵdaıyna baılanysty, óńirde jyl saıyn shamamen 2 mlrd tekshe metr sý joǵalady, bul elimizdegi jyl saıynǵy sý shyǵynynyń teń jartysy», dedi Senat depýtaty.
Depýtat oblys aýmaǵyndaǵy ishki sharýashylyq kanaldar «Irrıgasııalyq jáne drenajdyq júıelerdi jetildirý» jobasyna engizilgenin atap ótip, Syrdarııanyń sý obektilerin berý prosesi 2016 jyly iske qosylýy tıis ekenin aıtty. Alaıda, búgingi kúnge deıin sý obektileri respýblıkalyq menshikke áli qabyldanbaǵan.
Senator osyǵan baılanysty Premer-mınıstrden ırrıgasııalyq júıelerde qalyptasqan tehnıkalyq-melıorasııalyq jaǵdaıdy jaqsartý jáne Qyzylorda oblysynda sý tapshylyǵy jaǵdaıynda sýdy retteýdiń biryńǵaı júıesin qalyptastyrý úshin osy obektilerdi respýblıkalyq menshikke qabyldaýǵa járdemdesýdi surady.
