Mektep dırektory Ernur Omarhanovtyń aıtýynsha, Astana qalasynda Qanysh Sátpaevqa arnalǵan birde-bir murajaı joq. Sol sebepten eń alǵash mektepke akademık Qanysh Sátpaevtyń ataýyn alý úshin birshama jumys atqarylǵan. Keıinnen mektep Qanysh Sátpaev atyndaǵy mýzeıdi ashady. Mektep basshysy ony ashýdyń ońaıǵa soqpaǵanyn, barlyq materıaldy jınaý úshin mektep ujymy Sátbaetyń týǵan jerine barǵanyn aıtady.
Murajaıdy ashý ońaı bolǵan joq. Alynyp otyrǵan Qanysh Sátpaevtyń tapqan tastary Jezqazǵandaǵy «Qazaqmys» kompanııasymen baılanys ornatyp, sol jaqtan alǵyzdyq. Fotalardyń barlyǵyn Foliant baspasynan aldyq. Mýzeıdiń kireberisine biz eki tas ornattyq. Bireýi Qazaqtan shyqqan tuńǵysh antropolog Orazaq Smaǵulovtyń jazǵan sózi. Al ekinshisi Qanysh Sátpaevtiki, deıdi mektep-lıseı dırektory Ernur Omarhanov.
Ǵalym arheolog Á.Marǵulan Qanysh Sátbaev polıak bılerine, mazýrkaǵa, valske qyzyǵýshylyq tanytqanyn aıtady.
Sýrette Astana qalasyndaǵy Qanysh Sátpaev eskertkishiniń kóshirmesi.
Akademık Álkeı Marǵulannyń Qanysh Sátbaev týraly: «Eger Qanysh geologııanyń sońyna túspeı, biryńǵaı ádebıet salasymen ketse, Qanysh asa talantty jazýshynyń biri bolar edi. Ony Qanekeńniń jas kezinde jazǵan novellalary, ádebıet, mýzyka, bı óneri týraly jazǵan maqalalary, Abaı, Jambyl, Muhtarǵa arnap jazǵandary aıqyn beıneleıdi.»
Qanysh Sátbaev Máskeýdiń tapsyrmasy boıynsha jer asty qazba baılyqtarynyń kartasyn jasaý barysynda onda birneshe iri kenishterdi belgilemegen. Ǵalymdardyń «Bul qalaı?» degen suraǵyna ol: «Bul kender jerdiń tereńinde ornalasqan. Olardy meńgerý úshin qyrýar qarjy men tehnologııa qajet. Sondyqtan bul jerlerdi kartada belgileý áli erte».
Al jaqyn dostary Muhtar Áýezovpen, Álkeı Marǵulanǵa: «Men bul shahtalardy ádeıi jasyrdym. О́ıtkeni, bizdiń urpaqtarymyzǵa da kerek!», degen eken.
Uly tulǵanyń týǵanyna 125 jyl tolýy qarsańynda onyń el damýyna, ǵylymı oı-pikirine, Qazaqstan halqynyń zııatkerlik jáne rýhanı áleýetine qosqan baǵa jetpes úlesin taǵy bir márte eske alý mańyzdy.
Mýzeıdegi muraǵatta Qanysh Sátpaev týraly qoljazbalar, kitaptar jáne qundy jádigerler bir zalda kórinis tapqan.Sondaı-aq, Sátbaevtyń kitaptar toptamasy, fotosýretteri ǵımarat tórinde ornalasqan.
Qyrmyzy JUMAǴALIQYZY, EUÝ stýdenti
