Foto: senate.parlam.kz
Senatordyń aıtýynsha, byltyr bıdaı unynyń eksporty 23%-ǵa deıin tómendegen. Munyń bir sebebi – Qazaqstan Ortalyq Azııa elderi men Aýǵanstanǵa bıdaı men undy birdeı sharttarmen berip otyr.
«Qazaqstan Ortalyq Azııa elderi men Aýǵanstannyń syrtqy naryqtaryna bıdaı men undy barshaǵa birdeı sharttarmen beredi. Bizdiń bıdaıdy ımporttap alatyn elder saýdada tarıftik emes shekteý sharalaryn iske qosady, bizdiń un ımportyn tejeı otyryp, ózderiniń óńdeý óndirisin damytýǵa kúsh salady. Mysaly, О́zbekstanda ákelinetin bıdaıǵa 0%, ákelinetin unǵa 10% saralanǵan ımporttyq baj mólsheri salynady. Nátıjesinde Qazaqstannan О́zbekstanǵa un eksporty úsh ese, 1 mln 300 myń tonnadan 420 myń tonnaǵa deıin tómendedi. Osy kezeńde bıdaı dániniń eksporty 658 myń tonnadan 3 mln tonna bolyp, 4,5 esege deıin ósti. Mundaı jaǵdaı kórshiles Ortalyq Azııa elderinde de qalyptasyp otyr», dep atap ótti senator.
Elimizdiń Reseıden keletin astyq ımportyna engizgen tyıym salýy da jaǵdaıdy jaqsartpady. Senatordyń pikirinshe, sonyń saldarynan bizdiń naryqqa astyqtyń ornyna reseılik un qarqyndy túrde kelip jatyr.
«Reseılik arzan astyq ımportyn tejeý maqsatynda Qazaqstan lısenzııalanǵan kásiporyndar men un tartý jáne qus sharýashylyǵy kásiporyndarynan basqalarǵa avtomobıl kóligimen jáne temirjol arqyly bıdaı ákelýge ımportqa shekteý engizdi. Bul jaǵdaı Reseıden Qazaqstan aýmaǵyna jappaı un ákelýge alyp keldi. Import kóbinese kontrabandalyq jolmen, salyq tólemeı jáne fıtosanıtarlyq jáne sanıtarlyq talaptardy saqtamaı júzege asady», dedi Sultan Dúısembınov.
Senator QQS qaıtarý, logıstıka, ótinim josparlaryn ýaqytyly kelispeý, júk tasymalyna konvensııalyq tyıym salý engizý, stansııalardaǵy udaıy keptelis pen vagondardyń jınalyp qalýy máselelerin atap ótti.
Senator elimizdiń un tartý salasynyń odan ári quldyramaýyn boldyrmaý úshin Úkimet basshysyna avtomatty túrdegi eksport kezinde QQS-ty ońaılatylǵan ádispen qaıtarýdy, saýdada Qazaqstanǵa qatysty tarıftik emes jáne tarıftik shekteý sharalaryn júzege asyrǵan elderge dál sondaı sharalar engizýdi qamtamasyz etýdi usyndy. Aýyl sharýashylyǵy taýaryn óndirýshilerdiń ónimniń óńdeýge tapsyratyn kólemin sýbsıdııalaý tetikterin ázirleýi jáne temirjol tasymalynda tasymaldaýdyń úzdiksiz prosesin sheshýi, sondaı-aq «Biryńǵaı tereze» qaǵıdaty boıynsha biryńǵaı eksporttyq qurylym qurylýy tıis.
