foto: kapital.kz
QR Prezıdentine «armıan-qazaq yntymaqtastyǵynyń bolashaǵyn qalaı kóresiz? Siz ózara is-qımyldyń qandaı basym baǵyttaryn bólip kórseter edińiz jáne ekonomıkalyq yntymaqtastyq týraly ne aıtasyz?», degen sura qoıyldy.
Qasym-Jomart Toqaev ártúrli salalardaǵy ózara is-qımyldy odan ári tereńdetý úshin úlken áleýet bar ekenin atap ótti.
Armenııa Respýblıkasynyń áleýmettik-ekonomıkalyq jetistikteri bizdi qýantady. Sizdiń elińiz EAEO elderi arasynda damýdyń joǵary qarqynyn qamtamasyz ete otyryp, ekonomıkanyń barlyq negizgi sektorlary boıynsha kórneki nátıjelerge qol jetkizýde. Buǵan dálel-byltyrǵy jyly Armenııanyń JIО́-niń ınflıasııanyń eń tómengi deńgeıimen 8,7% - ǵa ósýi, dedi QR Prezıdenti.
Osyǵan baılanysty Qazaqstan ekonomıkalyq baılanystardy odan ári jan-jaqty damytýǵa basymdyq beretinin atap ótti.
Búgingi tańda bizdiń elimiz eksportty ulǵaıtýǵa daıyn. Jalpy somasy 350 mln dollarǵa shıkizattyq jáne daıyn assortımenttegi taýarlardyń 70 ataýy. Bul metallýrgııa, munaı-hımııa, tamaq ónerkásibi, qurylys jáne aýylsharýashylyq salalarynyń ónimderi. 2011 jylǵa deıin bıdaı Armenııaǵa qazaq eksportynyń jetekshi baptarynyń biri bolǵanyn eskersek, Armenııanyń iri saýda jelilerine bıdaı men basqa da azyq-túlik ónimderin jetkizýdi qaıta bastaý mańyzdy dep sanaımyn. Meniń oıymsha, armıan seriktesterinde de osyndaı usynystar bar.О́nerkásiptik kooperasııa da perspektıvaly bolyp tabylady. Biz úshin elderimizdi baılanystyratyn birlesken jobalar qurý mańyzdy, dedi Qasym-Jomart Toqaev.
Memleket basshysynyń aıtýynsha eki el arasyndaǵy ınvestısııalyq yntymaqtastyq qarqyndy damý men ilgerileýdi qajet etedi. Búginde Qazaqstanda qolaıly ınvestısııalyq ahýal qalyptasqan. Sheteldik ınvestısııalardy qoldaý úshin barlyq qajetti quraldar jasaldy.
Sondaı-aq sıfrlandyrý salasynda úlken múmkindikterdi atap ótemiz. Qazaqstan Eýrazııalyq keńistiktegi iri sıfrlyq habtardyń birine aınaldyrý boıynsha maqsatty saıasat júrgizýde. Tek sońǵy 3 jylda bizdiń it-qyzmetterimizdiń eksporty 3 esege ósip, 500 mln dollarǵa jetti. 2026 jylǵa qaraı ol kem degende 1 mıllıard dollarǵa jetýi kerek.Ekonomıkalyq yntymaqtastyqty tereńdetýdiń mańyzdy faktory - bizdiń elderimiz arasynda rentabeldi jáne jyldam jerústi logıstıkasyn qalyptastyrý. Áýe qatynasyn keńeıtý bıznes pen Azamattarǵa utqyrlyq beredi, týrıstik salada jańa múmkindikter ashady.Men ataǵan barlyq salalar ekonomıkalyq ózara is-qımyldyń quramdas bóligi bolýǵa tıis. Joǵary mýltıplıkatıvti áserge ıe bola otyryp, olar basqa baılanysty salalardyń damýyna yqpal etedi.Sizdiń suraǵyńyzǵa tikeleı jaýap bere otyryp, bizdiń qarym-qatynasymyzdyń bolashaǵyn qabyldanǵan ekijaqty mindettemelerdi múltiksiz saqtaýda jáne sharttyq-quqyqtyq bazany keńeıtýde, halyqtarymyz arasyndaǵy dostyq pen yntymaqtastyqty nyǵaıtýda, saýda-ekonomıkalyq jáne mádenı-gýmanıtarlyq salalardaǵy baılanystardy tereńdetý dep kóremin, dedi Memleket basshysy.
