Foto: senate.parlam.kz
«Qurmetti dostar, Prezıdent Q. Toqaev «Qazaqstan Respýblıkasynyń keıbir zańnamalyq aktilerine áıelder quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine áıelder quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» Zańdarǵa qol qoıdy.
О́zderińizge belgili, elimizde áıelder men balalarǵa qatysty zorlyq-zombylyq, ásirese, sońǵy ýaqyttary áleýmettik ótkir másele retinde qarala bastady. Qabyldanǵan zańda sarapshylardyń barlyq usynystary men qarapaıym azamattardyń ótinishteri Prezıdent tarapynan qoldaý tapty. Memleket basshysynyń jańa zańǵa qol qoıýy, el basshylyǵynyń «halyq únine qulaq asatyn memleket» qaǵıdatyn iske asyrý aıasynda qoǵam suranysyna udaıy nazar aýdaryp otyrǵanyn kórsetedi», dep jazdy senator.
Ol Prezıdent Q.Toqaev barlyq máselelerdi, sonyń ishińde áıelderdiń quqyqtaryn qorǵaý jáne balalardyń qaýipsizdigin qamtamasyz etý máselelerin únemi kóterip otyratynyn eske saldy.
«Zań azamattyq qoǵam men memlekettiń ótkir jáne ózekti máseleni sheshýge baǵyttalǵan syndarly ózara is-qımylynyń nátıjesi boldy. Ulttyq quryltaıdyń úshinshi otyrysynda Prezıdent otbasylyq-turmystyq zorlyq-zombylyqty qoǵam bolyp kúresýdi qajet etetin áleýmettik problemanyń biri retinde belgiledi. Sondyqtan Prezıdent qol qoıǵan otbasylyq-turmystyq zorlyq-zombylyq týraly Zań, shyn máninde, memlekettiń teńdik pen zań ústemdigi qaǵıdattaryna basymdyq beretinin, quqyq buzýshylyqqa múldem tózbeýshilikti qalyptastyratynyn kórsetedi. Ol týraly Q.Toqaev osy jyldyń qańtar aıynda: «Men «zań jáne tártip» qaǵıdatyn nyǵaıtýdy jaqtaımyn, otbasylyq-turmystyq zorlyq-zombylyq úshin jazany qatańdatýdy qoldaımyn», dedi. Bul Zań bizdiń qoǵamdy demokratııalandyrý baǵytyndaǵy taǵy bir qadam bolyp tabylady», dep túıindedi Sultanbek Mákejanov.
