Bólimniń derlik barlyq jeke quramy saptyq alańda jınalyp, 12 aı abyroımen qyzmet etken jigitterge «alǵysyn» aıtty.
«Brıgada túzel! Tik tur! Ortaǵa, sap túze», dedi merekelik is-sharany bastaǵan shtab bastyǵy-bólim komandıriniń orynbasary, podpolkovnık Aıdos Isaev.
Shtab bastyǵynyń komandasynan keıin tý ustaýshylar toby men qurmetti qaraýyl vzvody saptyq alańǵa bólimniń jaýyngerlik týyn alyp shyqty. Endi «qyzmetin aıaqtaǵan jigitter» úshin bul sát erekshe jaǵymdy boldy. Saltanatty bólimnen keıin jaýyngerlerdiń aıtýynsha, olar bir jylda naǵyz baýyrdaı bolyp qalǵan adamdarmen qoshtasýdyń aýyrtpalyǵyn, osy kezde ǵana sezinipti.
Brıgada komandıri polkovnık Ámirqoja Aıtqojın qyzmet barysynda sarbazdardyń jetistikteri men áskerı tártibin atap ótti, ótken bir jyl ishinde barlyq sarbazdar ózderine júktelgen mindetterin abyroımen atqarǵanyna alǵys aıtty.
«Sońǵy on eki aı ishinde Sizder elge bar kúshterińizdi, bilimderińizdi berdińizder. Men úlgili tártip pen shydamdylyq kórsetken barlyq sarbazǵa rızamyn. Sizderdi tárbıelegen ata-analaryńyzǵa bólek alǵys aıtqym keledi. Barlyǵyńyzǵa zor densaýlyq pen amandyq tileımin», dep atap ótti brıgada komandıri polkovnık Ámirqoja Aıtqojın.
Bir jaǵynan qýanysh, bir jaǵynan kúrsinis sezimderin aralas kótergen sarbazdar, bólimniń saptyq alańynanan sońǵy ret sherýmen ótip, qujattaryn, gramotalary men sıpattamalaryn alý úshin komandırlerine jaqyndady.
«Osy joldan ótkennen keıin men otbasynyń ǵana emes, ýaqyttyń, shynaıy dostyqtyń qadirin túsindim. Men dál osy áskerı bólimde qyzmet etkenimdi maqtan tutamyn», dep bólisti qatardaǵy jaýynger Baǵjan Dildahan.
Ofıserdiń qol alysýy, alǵys hattar men estelik syılyqtar. Merzimdi qyzmet ótti, tek áskerı ǵana emes, sonymen qatar kásibı maman retinde de úlken tájirıbe qaldy.
Merzimdi qyzmette bir jyl ishinde sarbazdar kóptegen oqý-jattyǵý atystaryn jáne dabyl boıynsha kóterýlerin oryndady. Kún saıyn jigitter rýhty ǵana emes, deneni de shyńdady. Olar UBT-syz joǵarǵy oqý oryndaryna túsýge múmkindik aldy, al qyzmette úzdik nátıje kórsetkenderge joǵary bilim alý tegin ǵana emes, grant boıynsha oqýǵa múmkindik beriledi.
