Foto: Ashyq derekkóz
Halyqqa qyzmet kórsetý ortalyqtaryna júrgizilgen monıtorıng nátıjesinde bıýdjetke túsetin tabys 10,6 mlrd teńgeden 91,3 mlrd teńgege deıin ulǵaıdy.
HQKO-nyń birneshe mamany 2011 jyldan beri jańarmaǵan júıe arqyly zań sheńberinen tys áreketterin júzege asyryp kelgen.
Olar júıege jalǵan derek engizip, jalǵan qujat tapsyrýǵa jaǵdaı týǵyzyp, jemqorlyqqa jol bergen.
«Kompıýterlerge qashyqtan qol jetkizý arqyly tulǵalardy aýystyrý jáne emtıhan nátıjeleri arqyly júrgizýshi kýálikterin berý prosesinde eleýli jemqorlyq táýekelderi anyqtaldy. Máselen, 2022 jyly 9,4 myń avtokólikti tirkegeni úshin 10,6 mlrd teńge jınaldy, 2023 jyly zańdastyrýdy eskere otyryp, 10,2 myń avtokólikti tirkegen kezde 91,3 mlrd teńge tústi. Atalǵan táýekelderdi joıý nátıjesinde ótken jyly bıýdjetke túsken túsim 9 ese ulǵaıdy», delingen Antıkor habarlamasynda.
Sondaı-aq agenttik tekserý nátıjesinde zańsyz júrgizýshi kýáligin alý jaǵdaılaryn azaıtý maqsatynda júıeni avtomattandyrýdy júzege asyrǵan. Qoǵamdyq baqylaý úshin beınetirkeý engizildi. Emtıhandardy qaıta tapsyrý rásimderi de retteldi. Ony qaıta tapsyrý sany eki retke shektelip, al óte almaǵan jaǵdaıda 3 aıdan keıin nemese tyıym salynǵan zattardy paıdalanǵan jaǵdaıda 6 aıdan keıin test tapsyrady.
Aıta keteıik, 2023 jylǵy jeltoqsanda HQKO qyzmetkerlerin jemqorlyq sýbektilerine jatqyzýǵa qatysty zańnamaǵa mańyzdy túzetýler engizildi. Bul ózgerister 2025 jyldyń qańtar aıynan bastap kúshine enedi.
«О́tinimderdi resimdeý jáne qaraý kezinde derekterdi túzetý múmkindigi alynyp tastaldy. Endi tek ákimshilik polısııa komıteti ózgeris engize alady. О́tinimderdi tirkeý rásimi jeńildetildi. Bul úshin tek JSN engizý qajet, al qalǵan derekter basqa aqparattyq júıelerden avtomatty túrde toltyrylady. Bul rette júıeniń ózi ekinshi deńgeıdegi bankterdiń túbirtekterin, mindetti tólemderin jáne aıyppuldaryn tóleýdi tekseredi», dep túsindirdi agenttiktiń baspasóz qyzmeti.
