Foto: Expert17.ru
Elordalyq polısııaǵa WhatsApp messendjerinde tarap jatqan aqparat týraly habar kelip túsken. Aqparatta Astana qalasynyń saýda-oıyn-saýyq ortalyqtarynyń birinde terakt uıymdastyrylatyny jazylǵan.
«Máskeýdegi «Krokýs Sıtı Holldaǵy» terakt týraly estidińiz be? Men sizge «Kerýendegi» terakt úshin bir mıllıon teńge usynamyn. Qajetti jabdyqtar usynylady, al bizdiń adam sizdi oqıǵa ornynan alyp ketedi. Usynystan bas tartsańyz, úıińizge kelemiz, turǵylyqty mekenjaıyńyzdy bilemiz», delingen elorda turǵyndaryna jiberilgen habarlamada.
Polıseıler habarlamanyń avtory Pavlodar mektepteriniń birinde oqıtyn oqýshy ekenin anyqtady. Bala ápkesimen qaljyńdamaq bolǵan.
«Onyń áreketi Qazaqstan Respýblıkasy Qylmystyq Kodeksiniń 273-baby – terrorızm aktisi týraly kórineý jalǵan aqparat taratý boıynsha qaralady. Biraq bala qylmystyq jaýapkershilikke tartylatyn jasqa tolmaǵan. Qylmystyq nemese ákimshilik quqyq buzýshylyq belgileri bar qasaqana áreketti jasaǵany eskerilip, bilim alýshynyń zańdy ókili kámeletke tolmaǵan balany tárbıeleý men oqytý, quqyqtary men múddelerin qorǵaý mindetterin oryndamaǵany úshin jazalandy», dep túsindirdi oblystyq Polısııa departamentamentiniń baspasóz qyzmeti.
Qyrmyzy JUMAǴALIQYZY,
EUÝ stýdenti
