Birinshiden, bul jańalyq otbasyn qorǵaýǵa baǵyttalǵan.
Atap aıtqanda, «Neke jáne otbasy týraly» kodekstiń 2-babyna dástúrli otbasylyq qundylyqtardy qorǵaý, saqtaý, nyǵaıtý jáne ilgeriletý týraly tolyqtyrýlar engizildi. Balalardy adamgershilik jáne rýhanı turǵyda tárbıeleý ulttyq jáne dástúrli qundylyqtardy qurmetteý rýhynda júrgizilýi tıis.
Jańa Zańda basqa da túzetýler bar, biraq dál osy erejeler strategııalyq memlekettik baǵdar beredi dep sanaımyn. Zań balalardy tartyp alýǵa yqpal etýi múmkin degen pikir - taza feık. Sondyqtan atalǵan másele boıynsha kez kelgen balama paıymdaýlar negizsiz, eshqandaı kúmán joq: Qazaqstan – tek dástúrli ulttyq otbasylyq qundylyqtar men otbasy ınstıtýtyn saqtaýda qoldaý kórsetedi!
Ekinshiden, jańa zań balalarymyzdy pedofılderden qorǵaıdy. Bálkim, bul kámeletke tolmaǵandarǵa qatysty zorlyq-zombylyq týraly habarlamalar paıda bolǵannan soń barsha qaýymdy dúrliktirgen, kópten kúttirgen shara shyǵar?! Dese de, endi olar ómir boıy túrmege toǵytylady. Kishkentaı balalardy óltirgeni úshin de dál osylaı.
Mundaı jańalyqtardy adamdar óte jiti qabyldaıtyndyqtan, barsha Qazaqstan halqy qylmyskerlerdiń osylaı aýyr jazalanýyn quptaıdy dep senimmen aıtýǵa bolady.
Mundaı jańalyqtardy adamdar óte jiti qabyldaıtyndyqtan, barsha Qazaqstan halqy qylmyskerlerdiń osylaı aýyr jazalanýyn quptaıdy dep senimmen aıtýǵa bolady.
Úshinshiden, tipti 16 jasqa deıingi balalarǵa jynystyq sıpattaǵy zorlyq-zombylyq jasaǵany úshin 40 kúnge qamaýǵa alynatyn jańa jaza engiziledi.
Túzetýler kúshine engen sátten bastap balalarǵa jónsiz qol tıgizý, uıatsyz usynystar bildirý jáne t.b. jazasyz qalmaıdy. Balalar men olardyń ata-analary óz elinde ózderin qaýipsiz sezinedi.
Tórtinshiden, óz-ózine qol jumsaýdy nasıhattaǵany úshin qylmystyń jańa quramy engizildi.
Bul shara paıda bolǵan kóptegen saıttardy, arnalardy, chattardy, sýısıdtik baǵyttaǵy toptardy zań júzinde buǵattap qana qoımaı, olardyń uıymdastyrýshylaryn sybaılastarymen birge 5 jylǵa deıin bas bostandyǵynan aıyrýǵa múmkindik beredi.
Turmystyq zorlyq-zombylyqty qylmys dep taný memlekettiń azamattyq qoǵammen birlesken jeńisi boldy.
Endi tán aýrýyna ushyratatyn, biraq densaýlyǵyna jeńil zııan keltirmegen uryp-soǵý úshin 80 AEK mólsherindegi aıyppuldan 50 táýlikke deıin qamaý túrinde jaza engiziledi.
Adam densaýlyǵyna jeńil zııan keltirgeni úshin 200 AEK mólsherindegi aıyppuldan 2 jylǵa deıin bas bostandyǵynan aıyrýǵa deıin jaza qoldanylady.
Alaıda, buzaqynyń jábirlenýshimen birge turýyna tyıym salý sekildi erekshe talaptar qoıý múmkindigi, bizdiń oıymyzsha, eń mańyzdy jańalyq bolyp otyr.
Atalǵan túzetýlerdi qabyldaý is júzinde memlekettik organdar men azamattyq qoǵamnyń birligin, Ádil Qazaqstan qurý jolynda Halyq únine qulaq asatyn memleket tujyrymdamasynyń tıimdi jumysyn kórsetedi.
Artýr LASTAEV
Adam quqyqtary jónindegi ombýdsmen
